'بی جے پی سمجھ رہی ہے کہ پورے ملک پر اس کا قبضہ ہو گیا ہے'

شہریت ترمیمی قانون کے خلاف ترنمول کانگریس آج پھر ممتا بنرجی کی قیادت کولکاتا کے سڑکوں پر اتری۔ آج جنوبی کولکاتا میں این آر سی اور شہریت ترمیمی قانون کے خلاف ترنمول کانگریس نے ریلی کی جادب پور 8 بی بس اسٹینڈ سے ریلی کا آغاز ہوا ۔ ایک بار پھر ممتا بنرجی بی جے پی پر نکتہ چینی کرتے ہوئے کہا کہ بی جے پی سوچ رہی ہے کہ پورے ملک پر اس کا قبضہ ہو گیا ہے۔

مغربی بنگال کی وزیراعلیٰ ممتا بنرجی کا مرکزی حکومت کے خلاف احتجاج آج بھی جاری رہا۔ جنوبی کولکاتا سے این آر سی اور شہریت ترمیمی قانون کے خلاف ترنمول کانگریس کی ریلی سے خطاب کرتے ہوئے ممتا بنرجی ایک بار پھر بی جے پی پر نکتہ چینی کی ۔

انہوں نے کہا کہ ذات و مذہب کے نام بی جے پی ملک کو بانٹنے کی کوشش کر رہی ہے ۔ پورا بھارت شہریت ترمیمی قانون کے خلاف سراپا احتجاج بن گیا۔ اسی لئے بی جے پی اس احتجاج کو اپنی حواریوں کی مدد سے پر تشدد بنانے کی کوشش کر رہی ہے۔

ملک کے عوام کو روٹی کپڑا اور مکان چاہیے۔ شہریت ترمیمی قانون اور این آر سی نہیں بی جے پی سوچ رہی ہے کہ پورے ملک پر اس کا قبضہ ہو گیا ہے ۔ ملک کو منقسم کرنا چاہتی ہے ۔ ہمیں منقسم بھارت نہیں بلکہ متحد بھارت چاہئے۔

ممتا بنرجی نام لئے بغیر وزیر نریندر مودی کے پوشاک والے بیان کی نکتہ چینی کرتے ہوئے کہا کہ لوگ پوشاک کی بات کر رہے ہیں۔ ایک دوسرے کو بانٹنے کی کوشش کر رہےہیں ۔ ملک میں سب کو آزادی ہے کہ وہ اپنی مرضی کے کپڑے پہنے کھانا کھائے لیکن لوگ ہر بات میں مذہب اور ذات کی بات کرتے ہیں۔

لیکن ملک میں مہنگائی ہے اس پر بات نہیں کرتے پیاز دو سو روپئے کیلو ہے لیکن اس پر بات نہیں کرتے ہیں۔ انہوں نے کہا کہ ہم کسی بھی صورت ملک کے دستور کے منافی قانون کو قبول نہیں کریں گے ۔

کشمیر سےلیکر کنیا کماری تک ملک مختلف مسائل سے دو چار ہے۔ ان مسائل سے توجہ مبذول کرانے کے لئے یہ لوگ ائین مخالف قانون کے نفاذ کی بات کر رہے ہیں۔ ہم شہریت ترمیمی قانون اور این آر سی کو نہیں مانتے ہیں۔

ریاست میں اس کو ہر گز نافذ نہیں ہونے دیں گے۔انہوں نے کہا اس تحریک کو پر امن طور پر جاری رکھنا ہے ۔ ہر شہر گاؤں اور کالجوں سے اس کے خلاف تحریک چلائیں پر امن احتجاج و تحریک کی میں حمایت کرتی ہوں۔

کسی طرح کی پر تشدد واقعات کو انجام نہ دیں ورنہ اس کے خلاف کارروائی کی جائے گی کیونکہ بی جے پی اس تحریک کو بدنام کرنے کی لگاتار کوشش کر رہی ہے۔ اس کو مذہبی رنگ دینا چاہتی ہے اس اس سے ہشیار رہنے کی ضرورت ہے ہمارا ایک ہی نعرہ ہے این آر سی قبول نہیں شہریت ترمیمی قانون قبول نہیں۔