کولکاتا:مغربی بنگال کے دارالحکومت کولکاتا میں واقع میدان میں گوشٹو پال کے مجسمے کے سامنے وزیر اعلیٰ ممتابنرجی نے پہلوانوں کی حمایت میں مومبتی ریلی کی قیادت کی ۔وزیراعلیٰ نے پہلوانوں کی کھل کر حمایت کرنے کا اعلان کیا۔ وزیر اعلیٰ ممتابنرجی کی اس مومبتی ریلی میں کولکاتا کے تینوں مشہور فٹبال کلب ایسٹ بنگال ، موہن بگان ، محمڈن اسپورٹنگ سمیت تمام کھیل کود کے اداروں نے شرکت کی ۔اس کے علاوہ موجودہ اور سابق کھلاڑیوں نے بھی وزیر اعلیٰ ممتابنرجی کی مومبتی ریلی کو کامیاب بنانے میں اہم رول ادا کیا۔
اس موقع پر وزیراعلیٰ ممتابنرجی نے دہلی میں بپہلوانوں کے دھرنے کی حمایت کرتے ہوئے آج دارالحکومت کولکاتا میں مومبتی ریلی کی قیادت کی ۔انہوں نے کہاکہ پہلوانوں کی یہ تحریک زندگی کی تحریک ہے۔اس تحریک کی حمایت اس وقت کرتی رہوں جب تک قصوروار کو سز نہیں مل جاتی۔ وزیراعلیٰ ممتابنرجی نے کہاکہ دہلی میں جو پہلوان دھرنے پر بیٹھے ہیں وہ ہمارے ملک کی شان ہیں ۔انہوں نے اپنی محنت اور لگن سے کھیل کی دنیا میں بھارت کا نام روشن کیا ہے۔ان کی محنت کی وجہ سے ہی بھارت کو اولمپکس کھیلوں میں طلائی تمغے، نقری تمغے اور کانسے کے تمغے ملے ہیں۔لیکن مرکز میں جو حکومت ہے اسے ان پہلوانوں کی محنت اور کامیانی کی کوئی قدت نہیں ہے۔