Mamata Felicitates Toppers طلباء ہمارے ملک کے مستقبل کے لیڈر اور مشعل بردار

وزیر اعلیٰ ممتا بنرجی نے جمعرات کو اس سال مختلف کامیابیاں حاصل کرنے والے طلباء کو مبارکباد دیتے ہوئے کہا کہ طلباء ہمارے ملک کے مستقبل کے لیڈر اور مشعل بردار ہیں۔

کولکاتا: مغربی بنگال کت دارالحکومت کولکاتا میں واقع وشو بنگلہ میلہ کے احاطے میں طلبہ کو مبارکباد دیتے ہوئے محترمہ بنرجی نے کہا، "میں ان ہونہار نوجوان طلبہ کو ان کی ثابت قدمی اور محنت کے لیے تہہ دل سے مبارکباد دیتی ہوں۔ ہمارے طلبہ ہمارے ملک کے مستقبل کے لیڈر اور مشعل بردار ہیں اورمجھے ان کی شاندار صلاحیتوں، عمدگی اور بلندیوں تک پہنچنے کے عزم کو دیکھ کر بہت فخر ہورہا ہے۔

انہوں نے اساتذہ اور والدین کو بھی مبارکباد پیش کی جنہوں نے ان کی نمایاں کامیابیوں میں کلیدی کردار ادا کیا۔ انہوں نے کہا، “مجھے اسٹوڈنٹس کریڈٹ کارڈ موبائل ایپ اور ایجوکیشن ایکو سسٹم پورٹل کا افتتاح کرتے ہوئے بے حد خوشی ہو رہی ہے، جس کا مقصد تعلیم تک آسان رسائی فراہم کرنا ہے۔ میں نے دو کتابیں یونیک ای گورننس انیشیٹیو ان ویسٹ بنگال اور جیمس آف بنگال 2023 بنگال کا بھی اجرا کیا۔

وزیر اعلیٰ نے کہا کہ ریاستی حکومت سب کے لیے تعلیمی مواقع کو مسلسل بڑھانے کے لیے پرعزم ہے۔ انہوں نے کہا، ’’ہم سمجھتے ہیں کہ ہماری نوجوان نسل بہترین تعلیمی سہولیات کی مستحق ہے۔ انہوں نے کہاکہ میرے تمام طلباء سے میں امید کرتی ہوں کہ ان کی مستقبل کی کوششیں ان کے لیے اور بھی بڑی کامیابی اور تکمیل لے کر آئیں گی۔ بہتر کے لیے کوشش کرتے رہیں، اور حکمت کی روشنی آپ کے آگے کے راستے کو روشن کرے۔ مسکراتے رہیں، اور آپ نئے سنگ میل حاصل کرتے رہیں۔