مغربی بنگال کی وزیرا علیٰ ممتابنر جی نےاسد الدین اویسی کا نام لیے بغیر کہا کہ ہندو اور مسلمان دونوں میں انتہا پسند افراد ہیں، جو سماج اور ریاست کیلئے نقصان دہ ہے۔
اگرچہ وزیرا علیٰ ممتا بنرجی نے اپنے بیان میں اے ایم آئی ایم کا نام نہیں لیا ان کا اشارہ صاف آل انڈیا مجلس اتحاد المسلمین کی طرف تھا۔۔
تاہم وزیرا علیٰ نے کہا کہ بی جے پی سے روپیہ لے کر ایک سیاسی جماعت یہاں کام کررہی ہے۔
ممتا بنرجی نے کہا کہ اس سیاسی جماعت کا بنگال میں کوئی وجود نہیں ہے وہ حیدرآباد میں ہے۔
ممتا بنرجی نے سوال کیا حیدرآباد سے لوگ یہاں آکر آپ کی حفاظت کریں گے کیا؟
ممتا بنرجی نے کہا کہ ان کی سیاسی جماعت ملک کے تمام طبقات کو ساتھ لے کر چلنے میں یقین رکھتی ہے۔
وزیر اعلیٰ ممتا بنرجی نے کہا کہ ہم ہر ایک کا احترام کرتے ہیں۔تمام مذاہب کااحترام کرتے ہیں۔بنگال میں امن وامان کو نقصان پہنچانے کی ہرممکن کوشش کو ناکام بنائیں گے۔
خیال رہے کہ لوک سبھا انتخابات میں ووٹوں تقسیم کی وجہ سے ممتا بنرجی کو شدید نقصان پہنچا ہے۔42 سیٹوں میں سے ترنمول کانگریس کو محض 18سیٹیں ملی ہیں۔آل انڈیا مسلم مجلس اتحادالمسلمین کی مقبولیت میں اضافہ کی وجہ سے ممتا بنرجی کو شدید نقصان پہنچ سکتاہے۔بنگال میں مسلم ووٹوں کی شرح 27 فیصد کے قریب ہے۔
