مغربی بنگال کے مالدہ ضلع کے کالیاچک میں عوامی جلسے کو خطاب کرتے ہوئے وزیر اعلیٰ ممتا بنرجی نے کہاکہ آج ترقی کا دور ہے۔ ترقی کے دور میں ہم پیچھے ہونا نہیں چا ہتے ہیں۔
انہوں نے کہاکہ مغربی بنگال کے عوام کے لئے چند نئے منصوبوں کو جلد سے جلد نافذ کیا جائے گا۔ اس کے لئے اضلاع کے تمام اعلیٰ افسران کوہدایت دی گئی ہے ۔
وزیر اعلیٰ نے کہاکہ اس پر کام ابھی سے شروع ہوچکا ہے۔ نئے منصوبوں سے عام لوگوں کو فائدہ ہوگا۔ نئے منصوبے کے بعد لوگوں کو اپنی مالی حالت میں بہتری کرنے کا سنہرا موقع ملے گا۔
محترمہ ممتابنرجی نے کہاکہ اس کے علاوہ نوجوانوں کے لئے ایک خاص منصوبہ ہے۔ اس منصوبے کے تحت ایک لاکھ نوجواںوں کو دودو لاکھ روپے دیئے جائیں گے تا کہ وہ کاروبار کر سکے۔
جلسے کو خطاب کرتے ہوئے ترنمول کانگریس کی سربراہ نے کہاکہ نوجوانوں کو اپنے پیروں پر کھڑے ہو نے کا موقع دیا جا رہا ہے۔ اس منصوبے کے تحت اضلاع کے نوجوانوں کے لئے کاروبار میں قسمت آزمانے کا سہرا موقع ہے ۔ اس سے انہیں مستقبل میں فائدہ ہوگا۔
واضح رہے کہ گزشتہ سال دسمبر میں ضمنی اسمبلی انتخابات کے بعد پہلی مرتبہ مالدہ کا دورہ کرتے ہوئے عوامی جلسے کو خطاب کیا۔
مغربی بنگال کی حکمراں جماعت ترنمول کانگریس نے تینوں اسمبلی حلقے میں ہونےو الے ضمنی انتخابات میں بھارتیہ جنتاپارٹی کو شکست دی تھی۔
