Shaheed Diwas کولکاتا سے ممتابنرجی کا بی جے پی کو چیلنج

ترنمول کانگریس کی سربراہ ممتابنرجی نے پنچایت انتخابات کے دوران ہلاک ہونے والے مختلف سیاسی جماعتوں کے حامیوں کے رشتہ داروں کو ہوم گارڈ دینے کا اعلان کیا۔انہوں نے کہاکہ ہم دوسری پارٹیوں کی طرح جنازے پر سیاست نہیں کرتے ہیں۔

کولکاتا:مغربی بنگال کی وزیر اعلی ممتابنرجی نے شہید دیوس کے جلسے کو خطاب کرتے ہوئے کہاکہ وزیراعظم جی کو منی پور میں خواتین کے ساتھ ہونے والی بریریت پر دکھ نہیں ہوا ۔آپ خاموش رہ سکتے ہیں لیکن ہم منی پور کی ماں بیٹیوں کی حمایت میں سٹرکوں پر اتریں گے۔ وزیر اعلی ممتابنرجی نے کہاکہ مرکز میں ایک ایسی حکومت ہے جو نفرت،مذہب کے نام پر سیاست کرتی ہے۔منی پور میں جو کچھ بھی ہوا اس سے پوری دنیا میں کیا پیغام گیا ہے۔لوگ کیا سوچ رہے ہیں۔

وزیراعلیٰ ممتابنرجی نے کہاکہ کیا منی پور میں رہنے والی خواتین بھارتی نہیں ہیں۔مودی جی آپ نے تو بیٹی پڑھاو بیٹی بچاو مہم شروع کی ہےلیکن آپ کی حکومت میں بیٹیوں کا کیا حال ہے اس پر بات کرنے سے ہی آنکھوں میں آنسو آجاتا ہے۔منی پور کی خواتین ہماری اپنی ہیں۔ہم ان کی حفاظت کرنے کے لئے کچھ بھی کر سکتے ہیں۔ ان کا کہنا ہے کہ بھارت کے لوگ انڈیا کو جتائیں گے اور نفرت و مذہب کے نام پر عام لوگوں کو گمراہ کرنے والوں کو ملک سے باہر کر دیں گے۔ترنمول کانگریس کی سربراہ نے کہاکہ 2024 میں بی جے پی کی حکومت اگر دوبارہ آ جاتی ہے تو عام لوگوں کی پریشانیاں بڑھ جائیں گی۔

ان کا کہنا ہے کہ بی جے پی کی قیادت والی مرکزی حکومت نے ملک کے منافع بخش اداروں کو فروخت کر چکی ہے۔اگر یہ حکومت اقتدار میں برقرار رہتی ہے تو نا جانے اور کیا کیا بچ دے گی کسی کو کچھ بھی معلوم نہیں ہے۔بی جے پی آج حکومت میں ہے تو جو چاہتی ہے وہ کر رہی ہے لیکن کل اقتدار سے بے دخل ہو جائے گی تو ان کا کیا ہوگا۔کبھی آپ لوگوں نے سوچا ہے۔