انکم ٹیکس محکمہ کی جانب سے مغربی بنگال کے کئی پوجا کمیٹیوں کو انکم ٹیکس ریٹرن جمع کرنے کی ہدایت کے خلاف ترنمول کانگریس نے 13اگست کو دھرنا دینے کا اعلان کیا ہے۔
وزیر اعلی ممتا بنر جی نے اپنے فیس بک پر اس کی اطلاع دیتے ہوئے کہا کہ انکم ٹیکس محکمہ نے درگا پوجا کمیٹیوں کو انکم ٹیکس جمع کرنے کا حکم دیا ہے۔
وزیر اعلی نے لکھا ہے کہ بنگال میں تمام تہواروں کو بہت ہی اہتمام کے ساتھ منایا جاتا ہے۔ درگا پوجا کے لگنے والے پنڈالوں میں دور دراز سے لوگ تہوار منانے اور پوجا کرنے آرہے ہیں۔
اس لئے ہم ٹیکس کے نفاذ کے خلاف ہیں۔ اس سے پوجا کے انعقاد کرنے والوں مزید مالی بوجھ کا اضافہ ہوجائے گا۔
بنگال حکومت نے تمام طرح کے ٹیکس کو معاف کردیا ہے.اسی طرح کنگا ساگر میلہ پر بھی کوئی ٹیکس نہیں لگایا جاتا ہے۔
وزیر اعلی نے کہا کہ ہم اس کے خلاف احتجاج کریں گے.ترنمول کانگریس کی بنگا جنانی ونگ کے زیر اہتمام منگل 13اگست کو سبودھ ملک اسکوائر پر صبح 10بجے سےشام 6بجے تک دھرنے کا انعقاد کیا جائے گا۔
وزیر اعلی ممتا بنرجی ریاست کے عوام سے دھرنے میں شرکت کی اپیل کرتے ہوئے ان کی پارٹی مذہبی تقریبات پر ٹیکس عاید کیے جانے کے خلاف ہے اور یہ احتجاج جاری رہےگا۔