مغربی بنگال اسمبلی میں آئندہ سات فروری کو بجٹ اجلاس21۔2020 کاآغاز ہو گا۔حکمراں جماعت ترنمول کانگریس اور اپوزیشن پارٹیوں کے ارکان اسمبلی کو اس کی اطلاع دی گئی ہے۔
ریاستی سکریٹریٹ ذرائع کے مطابق مغربی بنگال اسمبلی کا آغاز آئندہ سات فروری کو شروع ہوگا۔ اجلاس کے پہلے دن گورنر جگدیپ دھنکر اسمبلی کو خطاب کریں گے۔
دوسری طرف ریاستی وزیر مالیات امت مترا کاکہنا ہے کہ بجٹ سیشن 21۔2020 کی تیاری مکمل ہوم گئی ہے۔ لیکن بجٹ فائنل نہیں ہے۔ چند دنوں میں اسے فائنل کرلیاجائے گا۔
انہوں نے کہاکہ ریاستی بجٹ عان لوگوں کو دیکھتے ہوئے پیش کیا جائے گا۔ اس بجٹ کے تحت لوگوں کو فائدہ ہوگا۔
وزیرمالیات کاکہنا ہے کہ اس سلسلے میں وزیراعلیٰ ممتابنرجی سے بات چیت کی گئی ہے۔آئندہ چند دنوں میں بجٹ سے متعلق تمام باتیں واضح ہونے کاامکان ہے۔
انہوں نے کہاکہ ریاستی اسمبلی میں بجٹ پیش کرنے کی تاریخ طے نہیں ہے۔ ممکن ہے کہ سیشن کے پہلے دن ہو سکتا ہے یا پھر آئندہ 11 یا12 فروری کو اسمبلی میں بجٹ پیش کیا جائے گا۔
اسمبلی میں گورنر جگدیپ دھنکر کے بیان سے متعلق سوال پر ریاستی وزیر نے کہاکہ میں کیوں اور کیسے گورنر کے بیان کے بارے میں کہہ سکتاہوں۔ وہ ریاست کے گورنر ہیں۔ وہ اسمبلی میں آ ئیں گے یااسمبلی خطاب کریں گے اس کے بارے وہ خود اچھی طرح سے جانتے ہیں۔