شمالی 24 پرگنہ: بی جے پی کا روڈ شو اور جوگ دان میلہ

شمالی 24 پرگنہ کے بیرکپور پارلیمانی حلقہ کے پلتا میں بی جے پی کی جانب سے روڈ شو کا اہتمام کیا گیا۔ اس روڈ شو کی قیادت بی جے پی رہنما شھبندو ادھیکاری نے کی۔ یہ روڈ شو بیرکپور کے پلتا سے شروع ہو کر گیارولیا میونسپلٹی کے سامنے ختم ہوا۔

مغربی بنگال کے شمالی 24 پرگنہ میں بی جے پی نے روڈ شو نکالا۔ بی جے پی کے اس روڈ شو میں شھبندو ادھیکاری کے علاوہ مغربی بنگال بی جے پی کے ریاستی نائب صدر بسوا روپ رائے، بیرکپور سے بی جے پی کے رکن پارلیمان ارجن سنگھ اور نوا پاڑہ کے رکن اسمبلی سنیل سنگھ سمیت دیگر رہنماؤں نے شرکت کی۔

بی جے پی کے رہنماؤں کا کہنا ہے کہ مغربی بنگال میں اسمبلی انتخابات کی تاریخ جوں جوں قریب آ رہی ہے، تبدیلی کی لہر اور تیز ہو گئی ہے۔

انہوں نے کہا کہ تبدیلی کی اسلہر میں ممتا بنرجی کی قیادت والی ریاستی حکومت اکھڑ جائے گی۔ وہ ممتا بنرجی اب نہ حکومت کو بچا سکتی ہیں اور نہ اپنی پارٹی کو۔

انہوں نے کہا کہ ترنمول کانگریس کا زمانہ ختم ہو گیا ہے۔ ممتا بنرجی کی قیادت والی ریاستی حکومت جائے گی اور بی جے پی کی حکومت آئے گی، اب بس چند مہینوں کا انتظار ہے۔

اسی درمیان گیارولیا میونسپلٹی کے سامنے بی جے پی کی جانب سے جوگ دان میلے کا اہتمام کیا گیا۔ درجنوں لوگوں نے رکن پارلیمان ارجن سنگھ کی موجودگی میں بی جے پی میں شمولیت اختیار کی۔

بی جے پی کے رہنماؤں نے شمالی 24 پرگنہ کے تمام اسمبلی حلقوں میں جیت درج کرنے کا دعویٰ کیا۔ انہوں نے کہا کہ اسمبلی انتخابات کے لیے ہماری تیاری پختہ ہے اور تمام سیٹوں پر ہماری جیت یقینی ہے۔