مغربی بنگال کے وزیرتعلیم پارتھو چٹرجی نے ایک جلسے کے دوران کہاکہ بھارتیہ جنتاپارٹی کے بارے میں کچھ بھی کہنا ہے۔غئیر ضروری ہے۔
انہوں نے کہاکہ بی جے پی کی قیادت والی مرکزی حکومت کے تمام وزراء آپے سے باہر ہیں۔ وہ کبھی بھی کچھ بھی کہہ سکتے ہیں۔ ان میں ہی مغربی بنگال بے جے پی کے صدر دلیپ گھوش میں بھی شامل ہیں۔
'بی جے پی کے ریاستی صدرکم عقل انسان ہیں' پارتھو چٹر جی نے کہاکہ دلیپ گھوش ایک غیر ذمہ دار اور کم عقل انسان ہیں ۔ انہیں رکن پارلیمان کے عہدے پر برقرارنہیں رہنا چاہیے ۔کیونکہ ان کی وجہ سے سکیورٹی کا مسئلہ پید اہوسکتا ہے۔
ترنمول کانگریس کےجنرل سکریٹری پارتھو چٹرجی نے کہاکہ ریاستی بی جے پی کے صدر کم عقل انسان ہے تبھی تو شہریت ترمیمی ایکٹ اور این آرسی کی مخالفت کرنے والوں کو جانوروں کی طرح مارنے کی بات کہتے ہیں۔
'بی جے پی کے ریاستی صدرکم عقل انسان ہیں' انہوں نے کہاکہ مغربی بنگال کے مدنی پور ضلع سے بی جے پی کے رکن پارلیمان ہیں لیکن انہیں اپنی ریاست سے زیادہ اترپردیش اور کرناٹک سے محبت ہے۔
پارتھو چٹرجی نے کہاکہ بی جے پی کے رکن پارلیمان نے شہریت ترمیمی ایکٹ اور این آر سی کے خلاف احتجاج کرنے والوں کو گولی مارنے کی بات کیسی اورکیوں کہی ہے۔
انہوں نے کہاکہ مغربی بنگال کی تہذیب اور کلچر بنگال پولیس کو اس کی اجازت کبھی نہیں دے سکتی ہے۔کیونکہ یہاں تمام مذاہب کے لوگ مل جل کر رہتے ہیں۔
ترنمول کانگریس کے سیئر رہنما کاکہنا ہے کہ شہریت ترمیمی ایکٹ اور این آرسی کے خلاف جاری احتجاج کے دوران کچھ بھی ہوتا ہے یاپھر کسی کی جان جاتی ہے تو بھارتیہ جنتاپارٹی کو اس جواب دینا پڑے گاکیونکہ مغربی بنگال کبھی اترپردیش اور کرناٹک نہیں بن سکتا ہے۔
واضح رہے کہ گزشتہ روز ندیاضلع کے راناگھاٹ میں جلسے کو خطاب کرتے ہوئے ریاستی بی جے پی کےصدر دلیپ گھوش نے کہاتھاکہ اترپردیش اور کرناٹک کی طرح شہریت ترمیمی ایکٹ اور این آرسی کی مخالفت کرنے والوں کو گولی ماردینی چاہیے۔
بی جے پی کے رکن پارلیمان کے بیان کے بعد ریاستی سیاست میں ہنگامہ برپا ہے
