مغربی بنگال اسمبلی انتخابات سے قبل حکمراں جماعت ترنمول کانگریس اور بی جے پی کے رہنماؤں کے درمیان لفظی جنگ میں دن بدن تیزی آتی جا رہی ہے اور الزام تراشی کا سلسلہ بھی بڑھتا جا رہا ہے۔
اس دوران مرکزی وزیر بابُل سُپریو نے کہا کہ ترنمول کانگریس کی قیادت والی ریاستی حکومت کا اب انجوری ٹائم کا آغاز ہو چکا ہے اور یہ ٹائم ختم ہوتے ہی ترنمول یوتھ کانگریس کے صدر بھائی پو (بھتیجا) کا نیا پتہ علی پور جیل ہوگا
انہوں نے کہا کہ مغربی بنگال اسمبلی انتخابات میں بی جے پی کی جیت کے ساتھ ہی ترنمول کانگریس کا دفتر علی پور میں منتقل ہوجائے گا۔
مرکزی وزیر بابُل سُپریو نے مزید کہا کہ جانوروں کی اسمگلنگ، بالی(بالو) اسمگلنگ اور کوئلہ مافیاؤں کو کسی بھی قیمت پر بخشا نہیں جائے گا۔
انہوں نے کہا کہ 'گزشتہ چار برسوں سے ان لوگوں کے خلاف مہم چلا رہا ہوں اور ایک لمبے عرصے کے بعد کامیابی ملنے والی ہے۔ ایک قدم بھی پیچھے ہٹنے والا نہیں ہوں۔
