ریاستی اسپیکر کا سابق میئر کو فون

مغربی بنگال اسمبلی کے اسپیکر بمان بنرجی نے کولکاتا میونسپل کارپوریشن کے میئرسوبھن چٹرجی کو فون کرکےاسمبلی سے غیر حاضر رہنے پر تبادلہ خیال کا۔

موصولہ اطلاع کے مطابق ریاستی اسمبلی کے اسپیکر بمان بنرجی نے کولکاتا میونسپل کارپوریشن کے سابق میئر اور ایم ایل اے سوبھ چٹر جی کو فون کیا اور اسمبلی سے غیر حاضر رہنے پر تبادلہ خیال کیا۔

اسمبلی کے اسپیکر بمان بنرجی کاخیان ہے کہ سوبھن چٹرجی کو گزشتہ کئی مہینوں سے اسمبلی میں غیر حاضر رہے ہیں۔ انہوں نے اس سلسلے میں اسپیکر کو کوئی اطلاع بھی نہیں کی ہے۔

اسپیکر بمان بنرجی نے کہاکہ میں نے سابق میئر اور ایم ایل اے سوبھن چٹرجی سے غیرحاضر رہنے سے متعلق بات چیت کی۔ اس کے علاوہ انہوں نے ان کی نجی پریشانیوں پر تبادلہ خیال کیا۔

انہوں نے کہاکہ ذاتی پریشانی الگ چیز ہے آپ کو اسمبلی حاضر رہنا چاہیے۔ اگر آپ کسی وجہ سے اسمبلی سے غیر حاضرہیں تو ضابط اخلاق کے طور پر ریاستی اسمبلی اسپیکر کو اس کی اطلاع ہونی چاہیے۔

اسپیکر کے مطابق اسٹینڈنگ کمیٹی کے چیئر مین کی حیثیت سے میں کسی سے سوال کرسکتاہوں مگر میرا سوبھن چٹرجی سے گھریلو تعلقات بھی ہے ۔ اس بنیاد پر میں نے سوبھن چٹرجی کاحال معلوم کرنے کے لیے انہیں فون کیا۔

انہوں نے کہاکہ ہم دونوں کے درمیان مثبت بات چیت ہوئی ہے امید ہے کہ وہ جلد ہی اسمبلی کے اجلاس میں شامل ہوں گے۔