کولکاتا کے ایک پانچ ستارہ ہوٹل میں آل انڈیا فٹبال فیڈریش کی جانب سے شاندار تقریب کا اہتمام کیا گیا۔ اس تقریب میں اے آئی ایف ایف کے سی ای او سنندادھر، ریاستی وزیر کھیل کے اروپ بسواس موجود تھے۔
اس کے علاوہ موہن بگان کلب انتظامیہ کے اعلی عہدیداران اور چمپئین ٹیم کے کھلاڑی بھی موجود تھے۔ ٹیم کے غیر ملکی کھلاڑی کورونا کے سبب اپنے اپنے ملک واپس جا چکے ہیں۔
تقریب کے دوران اے آئی ایف ایف کی جانب سے چمپئین کلب آف انڈیا موہن بگان کو آئی لیگ ٹرافی سے نوازا گیا۔ موہن بگان کلب نے آئی لیگ ٹرافی کے ساتھ چمپئین ریلی کا اہتمام کیا۔ یہ ریلی الٹا ڈانگہ، شیام بازار، کریش پارک سے ہوتے ہوئے دھرمتلہ میں واقع موہن بگان کلب ٹنٹ پہنچ گئی۔
مزید پڑھیں:
گزشتہ سیزن میں آئی لیگ کو کورونا وائرس کے سبب درمیان میں ہی ملتوی کرنا پڑا تھا۔ اس وقت موہن بگان کی ٹیم پوائنٹ ٹیبل میں پہلی پوزیشن پر تھی اور دوسری پوزیشن پر رہنے والی کولکاتا کی ٹیم ایسٹ بنگال سے 15پوائنٹ سے آگے تھی۔ اے آئی ایف ایف نے پوائنٹ ٹیبل میں آگے رہنے کی وجہ سے مو ہن بگان کو آئی لیگ چمپئین قرار دیا تھا۔