کولکاتا: ٹیکہ لگوانے والے 14 لوگوں کی طبیعت خراب

دارالحکومت کولکاتا اور اس کے اطراف کے اضلاع میں کورونا کا ٹیکہ لگنے کے بعد 14 لوگوں کی طبیعت خراب ہو گئی ہے۔

مغربی بنگال کے دارالحکومت کولکاتا اور اس کے اطراف کے اضلاع میں کورونا ویکسین لینے کے بعد 14 لوگوں کے بیمار پڑنے کی اطلاع ہے۔

ذرائع کے مطابق ٹیکہ لگوانے والے 14 لوگوں میں سے ایک شخص کی حالت نازک بتائی گئی ہے۔

ریاستی محکمہ صحت کے مطابق کولکاتا اور اس کے اطراف کے اضلاع میں کورونا کی ٹیکہ کاری کے بعد 14 لوگوں کی طبیعت خراب ہونے کی اطلاع موصول ہوئی ہے، لیکن یقینی طور پر فی الحال کچھ بھی کہا نہیں جا سکتا ہے کہ ان چودہ لوگوں کی طبیعت ویکسین کی وجہ سے خراب ہوئی یا پھر پہلے سے ہی بیمار تھے۔

انہوں نے کہا کہ چودہ لوگوں میں سے ایک شخص کی حالت تھوڑی زیادہ خراب ہے۔ دیگر لوگ پہلے سے کافی بہتر ہیں۔

امید ہے کہ وہ بھی جلد پوری طرح سے صحتیاب ہو جائیں گے۔ محکمہ صحت کے مطابق جن لوگوں کو الرجی کی شکایت ہے انہیں ویکسین لینے کے بعد تھوڑی پریشانی ہو سکتی ہے وہ بھی چند منٹوں یا پھر ایک دو گھنٹے کے لئے۔

واضح رہے کہ مغربی بنگال میں پندرہ ہزار 707 لوگوں کو کورونا ویکسین دیے گئے، جن میں محض 14 لوگوں کو الرجی کی شکایت ہوئی ہے۔