کورونا وائرس مغربی بنگال کے دارالحکومت کولکاتا شہر میں وبائی شکل اختیار نہ کرے اور اس کی روک تھام کے لئے کیا اقدامات کئے جانے چاہئے اس سلسلے میں آج سرکاری نمائندوں اور غیر سرکاری بسوں کے مالکان کے ساتھ اج ایک اہم میٹنگ ہوئی۔
پبلک وہیکل ڈپارٹمنٹ کے ایڈیشنل ڈائریکٹر نے آج کولکاتا کے غیر سرکاری بسوں کے مالکان کے ساتھ میٹنگ کی اور کورونا وائرس کو وبائی شکل اختیار نہ کرے اس،سلسلے میں کون سے اقدامات سود مند ثابت ہوں گے۔
اس پر بات چیت ہوئی۔اس،میٹنگ میں کورونا وائرس کے ممکنہ خطرات پر بحث ہوئی اور بس مالکان کو ایک فہرست دی گئی کہ وہ بسوں میں ان پر عمل کریں اس،کے علاقہ بس ڈرائیوروں اور کنڈکٹروں کو بھی خاص احتیاط برتنے کی ہدایت دی گئی۔
اس میٹنگ میں کئی نکات طے کئے گئے جس پر تمام غیر سرکاری بسوں کے ڈرائیوروں اور کنڈکٹروں کو عمل کرنا پڑے گا۔
ہر سفر سے پہلے ہاتھوں کو سینیٹائز کرنا پڑےگا۔ بس کو فینائل سے دھونا پڑے گا۔ڈرائیور ،کنڈکٹر اور ہیلپر کو ماسک پہننا پڑے گا۔سفر شروع کرنے سے پہلے پوری طرح سے بس کو ڈیٹول اور فینائل سے صاف کرنا پڑے گا،اور بس میں کام کرنے والے تمام لوگوں کو صاف کپڑے پہننے ہوں گے۔
کولکاتا کے غیر سرکاری بسوں میں کورونا وائرس سے بچنے کے لئے اقدامات کے سلسلے میں آج بس مالکان اور سرکاری نمائندوں کی اہم میٹنگ ہوئی جس میں کورونا وائرس سے بچنے کے لئے کئی اقدامات کئے جانے کا فیصلہ کیا گیا۔
