'آگ سے کھیلنے کی کوشش نہ کریں'

وزیراعلیٰ ممتابنرجی نے کہا کہ مصیبت کی گھڑی میں کوئی بھی شخص آگ سے کھیلنے کی کوشش نہ کرے ورنہ اس کا نتیجہ بہت ہی بھیانک ہو سکتا ہے۔

کوروناوائرس سے متعلق سوشل میڈیا پر پھیلائی جارہی افواہوں پر سخت برہمی کا اظہار کرتے ہوئے مغربی بنگال کی وزیراعلیٰ ممتا بنرجی نے کہا کہ یہ شرمناک بات ہے کہ ایک ایسے وقت میں جب ملک ہی نہیں بلکہ پوری دنیا کورونا وائرس کے خلاف جنگ لڑرہی ہے اور لوگوں کی جانیں جارہی ہیں تو ان حالات میں کچھ لوگ سوشل میڈیا پر غیر سنجیدگی کا مظاہرہ کررہے ہیں۔ وزیراعلیٰ نے کہا کہ بنگال میں افواہ بازی کرنے والوں کے خلاف سخت کارروائی کی جائے گی۔

خیال رہے کہ بیلیا گھاٹا آئی ڈی اسپتال کے ڈاکٹروں سے متعلق یہ افوہ پھیلائی گئی تھی کہ کچھ ڈاکٹرس کورونا وائرس سے متاثر ہوگئے ہیں ۔

جبکہ اس خبر میں ممتا بنرجی نے کہا کہ جعلی خبرپھیلانے والوں کے خلاف کارروائی کی جائے گی ۔عام لوگوں کو اس سے دور رہنے کی ضرورت ہے۔ کیونکہ یہ ایک آگ ہے اس سے بہت بڑا نقصان ہو سکتا ہے۔

'آگ سے کھیلنے کی کوشش نہ کریں'

ممتا بنرجی نے کہا کہ یہ کیسے لوگ ہیں جو مزاق بنارہے ہیں۔ ملک اور ریاست نازک دور سے گزر رہا ہے۔ اس دوران بھی چند غیر ذمہ دار لوگ افواہ پھیلانے میں مصروف ہیں۔