Amartya Sen Over Land Issueامرتیہ سین کو زمین خالی کرنے کے لئے وشو بھارتیکا نوٹس جاری

وشو بھارتی یونیورسٹی (وی بی) کے افسران نے نوبل انعام یافتہ ماہر معاشیات امرتیہ سین کو 13 ڈسمل زمین خالی کرنے کا نوٹس دیا ہے۔

کولکاتا:مغربی بنگال کے بیربھوم ضلع میں واقع تاریخی وشوا بھارتی یونیورسٹی انتظامیہ اور نوبل انعام یافتہ امرتیہ سین کے درمیان زمین تنازع مزید گہرا ہو گیا ہے۔یونیورسٹی کے وائس چانسلر نے نوبل انعام یافتہ امرتیہ سین کو زمین خالی کرنے کے لئے نوٹس جاری کیا ہے۔ یونیورسٹی نے زمین کو چھ مئی تک یا نوٹس جاری ہونے سے 15 پندرہ دن کے اندر خالی کرنے کو کہا گیا ہے۔ اس نے زمین خالی نہ کرنے پر زبردستی خالی کر نے کی دھمکی بھی دی ہے۔

مسٹر سین مغربی بنگال کے بیر بھوم ضلع کے بول پور شہر کے شانتی نکیتن میں ہجرت کے بعد سے اپنے آبائی گھر پراتیچی میں ہتے ہیں۔ پراتیچی احاطے میں 13 ڈسمل زمین کاایک ٹکڑا گزشتہ دنوں مسٹر سین اور یونیورسٹی کے درمیان تنازعہ کا موضوع رہا ہے۔ وشوابھارتی نے دعویٰ کیا ہے کہ مسٹر سین نے زمین پر غیر قانونی طور پر قبضہ کیا ہے جبکہ مسٹر سین نے بارہا کہا ہے کہ وہ زمین کے اصلی مالک ہیں۔

نوٹس میں کہا گیا ہے کہ مسٹر سین اور تمام متعلقہ افراد کو مذکورہ جگہ سے بے دخل کیا جائے گا اور اگر ضروری ہوا تو طاقت کا استعمال کیا جائے گا۔نوٹس میں کہا گیا ہے کہ کیمپس کے شمال مغربی کونے میں 50 فٹ ضرب111 فٹ کی 13 ڈسمل اراضی واپس لی جانی ہے۔ نوٹس میں کہا گیا ہے کہ احاطے کی 1.25 ایکڑزمین پر قانونی طور پر لیز کی بقیہ مدت کے لئے قبضہ کر سکتا ہے لیکن ان کے پاس 1.38 ایکڑ زمین پر قبضہ کرنے کا حق نہیں ہے۔یہ نوٹس جوائنٹ رجسٹرار آشیش مہتو نے جاری کیا ہے۔