مغربی بنگال کے آسنسول سے بی جے پی کے رکن پارلیمان اور مرکزی وزیر بابل سپریو نے ریاستی حکومت پر تنقید کرتے ہوئے کہاکہ ہوڑہ میں پھولوں کی مارکیٹ دوبارہ کھولے جانے کے فیصلے سے غلط پیغام جائے گا ۔اس سے ظاہر ہوتا ہے کہ ریاستی حکومت کوروناوائرس کے خطرے سے آگاہ نہیں ہے۔
مرکزی وزیر بابل سپریو کی ممتا بنرجی پر تنقید بابل سپریو نے لگاتا ر کئی ٹوئیٹ کرکے ممتا حکومت کی سخت تنقید کی ہے۔انہوں نے کہا کہ اس وقت سیاست کرنے کا نہیں ہے تاہم ممتا بنرجی نے فلوور، مٹھائی،پان اور دیگر دوکانوں کو کھولنے کی اجازت دیدی ہے۔اس سے عوام میں غلط پیغام جائے گا کہ ممتا حکومت کورونا وائرس سے لڑنے کیلئے تیار ہے۔
بابل سپریو نے لکھا ہے کہ اگر ہم بولیں گے تو بولیں گی کہ سیاست کرتا ہے مگر آپ لوگ بتائیں ایسا ہونا چاہیے؟یہ اس لئے ہورہا ہے کہ کیوں کہ پھول مٹھائی، پان،سب کچھ کو کھولنے کی اجاز ت دے کر یہ پیغام دینے کی کوشش کررہی ہے کہ بنگال نے کورونا وائرس کو ہرادیا ہے۔
مرکزی وزیر بابل سپریو کی ممتا بنرجی پر تنقید دوسرے ٹوئیٹ کرتے ہوئے انہوں نے لکھا ہے کہ ممتا بنرجی نے پھولوں کے دوکان کی اجازت دے کر بھیڑ بھاڑ جمع کرنے کے حالات پید اکردیا ہے۔انہوں نے ہوڑہ مارکیٹ کی تصویر بھی شیئر کرتے ہوئے لکھا ہے کہ یہ ہوڑہ مارکیٹ ہے جہاں لوگوں کی بھیڑ ہے۔برائے مہربانی اتنا بڑا خطرہ نہ مولیں۔
