کولکاتا:مغربی بنگال کے وزیر دپردیپ مجمدار نے کہا کہ وہ گاؤں میں کبھی کبھار جاتے ہیں۔ انہیں کچھ بھی معلوم نہیں کہ مچھلی پکڑنے کے الزام میں اس کے گھر میں کسی کو مارا پیٹا گیا ہے۔ پنچایت وزیر نے پورے معاملے میں دیکھنے کی یقین دہانی کرائی ہے۔
یہ تنازع کل دوپہر میں ہی شروع ہوگیا تھا۔ مبینہ طور پر پردیپ مجمدار کے تالاب سے مچھلی چوری کرنے پر گاؤں کے ایک شخص کو وزیر کے گھر پر لاکر مارا پیٹا گیا۔ یہ واقعہ کے سامنے آنے کے بعد گاؤں والوں نے کل رات وزیر کے گھر کے باہر احتجاج شروع کیا۔ اطلاع ملنے کے بعد پولیس نے پہنچ کر صورتحال کو سنبھالا۔ پولیس ناکے بھی لگائے گئے۔ گاؤں والوں نے بتایا کہ پولیس نے آج دوپہر تک دونوں فریقوں کے درمیان بات کرکے معاملہ حل کرنے کا وعدہ کیا تھا۔ تاہم آج دوپہر تک پولیس کی جانب سے کوئی کارروائی نہیں کی گئی۔ اس کے بعد مشتعل گاؤں والوں نے دوبارہ وزیر کے گھر پر دھاوا بول دیا۔ توڑ پھوڑ شروع کردی ہے۔ اطلاع ملتے ہی پولیس دوبارہ پہنچی اور حالات کو سنبھالا۔