Two Students Murder اغوا کے بعد دوطالب علموں کا قتل

شمالی24 پرگنہ کے بشیرہاٹ تھانہ علاقے سے پولیس نے دو طالب علموں کی لاشیں بر آمد کی ہیں۔ شمالی کولکاتا کے باگوہاٹی تھانہ علاقے کے رہنے والے طالب علموں کا 22 اگست کواغوا کیا گیا تھا۔ تاوان کی رقم نہیں ملنے کے سبب نامعلوم شرپسندوں نے قتل کرکے لاش سڑک کے کنارے پھینک دیا۔ Two Students Murder

مغربی بنگال کےشمالی 24 پرگنہ کے بشیرہاٹ تھانہ علاقے میں سڑک کے کنارے دو مغوبہ طالب علموں کی لاشیں پڑی ہوئی ملیں۔مقامی باشندوں نے اس کی اطلاع پولیس کو دی۔ پولیس نے جائے وقوع پرپہنچ کر حالات کا جائزہ لیا اور لاشوں کو پوسٹ مارٹم کے لئے ہسپتال بھیجنے کا انتظام کیا۔ Two Students Murder After abduction In West Bengal

دونوں طالب علموں کی لاشیں ملنے کے بعد کولکاتا اور اس کے اطراف میں سنسنی پھیل گئی۔ پولیس نے ابتدائی تفتیش کے بعد کہاکہ دونوں طالب علم شمالی کولکاتا کے باگوہاٹی تھانہ علاقے کے رہنے والے ہیں۔ باگوہاٹی تھانے میں دونوں طالب علموں کی گمشدگی کی شکایت درج کرائی گئی تھی۔

شمالی 24 پرگنہ کے بدھان نگرکمشنریٹ کے مطابق باگوہاٹی تھانہ علاقے کے رہنے والے طالب علموں کا اغوا کیا گیا ہے۔ دونوں کی شناخت ساحل ملا اور دیپندو داس کے طور پر ہوئی ہے۔ دونوں طالب علموں کا 22اگست کواغوا کیا گیا تھا۔

پولیس نے کہاکہ گھروالوں لو تاوان کی رقم وصولی کے لئے فون آیاتھا۔والدین کو فون پر میسج بھی کیا گیا تھا۔پورے معاملے کی تفتیش کی جارہی ہے ۔اس معاملے میں اب تک چار لوگوں کی گرفتاری عمل میں آ ئی ہے ۔اس معاملے میں مزید لوگوں کی گرفتاری عمل میں آ سکتی ہے۔پولیس نے مزید کہاکہ پوسٹ مارٹم کی رپورٹ کا انتظار ہے۔پوسٹ مارٹم کے بعد اس معاملے میں واضح طور پر کچھ کہا جاسکتا ہے کہ دونوں طالب علموں کا کب اور کیسے قتل کیا گیا ہے۔

دوسری طرف مقامی باشندوں نے طالب علموں کے اغوا اور قتل کے معاملے میں ملوث شخص کے گھر میں جم کرتوڑ پھوڑ کی۔مقامی باشندوں نے طالب علموں کے بہیمانہ قتل کے معاملے میں ملوث شرپسندوں کی گرفتاری کامطالبہ کیا۔