کولکتہ کے سنیما ہال میں آتشزدگی، دو افراد زخمی

کولکتہ کے لیک ٹاؤن علاقہ میں واقع جیا سنیما ہال میں آگ لگنے سے دو افراد شدید طور پر زخمی ہوگئے۔ آگ پر قابو پانے کے لئے 15 فائر بریگیڈ کی گاڑیوں کو کام پر لگایا گیا ہے۔

کولکتہ: مغربی بنگال میں کولکتہ کے لیک ٹاؤن علاقہ میں واقع جیا سنیما ہال میں آگ لگنے سے دو افراد شدید طور پر زخمی ہوگئے۔ یہ واقعہ جمعہ کی رات کو پیش آیا۔

آگ پر قابو پانے کے لئے 15 فائر بریگیڈ کی گاڑیوں کو کام پر لگایا گیا تھا۔ فائر بریگیڈ حکام کے مطابق آگ کل رات 9 بجکر 45 پر منی جیا کے نام سے مشہور جیا سنیما ہال کی سب سے اوپر والی منزل میں لگی۔

فائر سروس کے ریاستی وزیر سوجیت بوس نے جائے وقوعہ کا دورہ کرنے کے بعد کہا کہ آگ اس وقت لگی جب سنیما ہال کا کیئر ٹیکر اور ان کی اہلیہ عمارت کی سب سے اوپر والی منزل پر کھانا بنا رہے تھے۔ باس نے کہا ’’کیئر ٹیکر آگ سے زخمی ہوگیا ہے‘‘ ۔