مغربی بنگال: بجلی گرنے سے دو افراد ہلاک، پانچ زخمی

یہ حادثہ اتوار کے روز اس وقت پیش آیا جب چھ خواتین کھیتوں میں کام کر رہی تھیں۔

ریاست مغربی بنگال کے ضلع مالدہ میں آسمانی بجلی گرنےسے دو خواتین ہلاک اور پانچ دیگر افراد زخمی ہوگئے۔

مقامی شخص نے بتایا کہ یہ حادثہ اتوار کے روز اس وقت پیش آیا جب کم از کم چھ خواتین کھیتوں میں کام کر رہی تھیں اور اچانک بجلی گر آئی اور اس دوران دو خواتین ہلاک اور دیر پانچ زخمی ہوگئی۔

مقامی باشندے سرس منڈل نے بتایا کہ بجلی گرنے کے وقت لوگ کھیتوں میں دھان کی بوائی کر رہے تھے۔ یہ واقعہ دوبرا گاؤں میں پیش آیا ہے۔ راہیلہ منڈل زخمی ہوگئی تھی اور اسے اسپتال لے جایا گیا تھا اور دو خواتین ہلاک ہوگئی تھیں۔'

حکام نے بتایا کہ تیز ہواؤں کے ساتھ بجلی گرنے کے ساتھ دوپہر کے وقت چنچل سب ڈویژن کے ہریشچندر پور علاقے میں زبردست طوفان آیا جس سے دو خواتین ہلاک اور پانچ دیگر افراد زخمی ہوگئے۔

ایک پولیس افسر نے مزید بتایا کہ ہلاک ہونے والوں کی شناخت دولت نگر علاقہ کے رہنے والی جیا منڈل اور سیما منڈل کے طور پر ہوئی ہے۔

واضح رہے کہ اس سے قبل جون کے آغاز میں ضلع مرشد آباد میں آسمانی بجلی گرنے کے دو مختلف واقعات میں کم از کم چھ افراد ہلاک ہوئے تھے۔