مغربی بنگال میں بلدیاتی انتخابات کے دوران تشدد اور مبینہ پولنگ بوتھوں پر قبضے کے خلاف سیاسی جماعتوں کی جانب سے احتجاج و مظاہرے کا سلسلہ جاری ہے۔ Protests by political parties in West Bengal
ریاست کی اپوزیشن جماعت بی جے پی کی جانب سے بلائی گئی 12 گھنٹے کی ہڑتال کا عام زندگی پر جزوی اثر دیکھنے کو ملا ہے۔ Strike called by BJP in Bengal
مغربی بنگال میں بارہ گھنٹے بند کا جزوی اثر شمالی 24 پرگنہ کے بیرکپور سے بی جے پی کے رکن پارلیمان ارجن سنگھ کی قیادت میں احتجاجی جلوس کا اہتمام کیا گیا۔ BJP protest in North 24 Parganas
کانکی نارہ اسٹیشن پر بی جے پی کے حامیوں نے لوکل ٹرین کے سامنے کھڑے ہو کر احتجاج کیا جس سے ریل خدمات ایک گھنٹے تک متاثر رہی اس سے عام لوگوں کو بڑی دشواریوں کا سامنا کرنا پڑا۔
بی جے پی کے مضبوط گڑھ شمالی بنگال کے بیشتر اضلاع سلی گوڑی، دارجلنگ، علی پور دوار، مشرقی مدنی پور میں بند کا تھوڑا بہت اثر دیکھنے کو ملا لیکن دیگر اضلاع میں اس کا کوئی اثر دیکھائی نہیں دیا۔
دارالحکومت کولکاتا میں عام زندگی معمول پر رہی۔ جنوبی 24 پرگنہ، مرشدآباد، مالدہ اور ندیا میں بھی 12 گھنٹوں کے بند کا کچھ خاص اثر نہیں پڑا۔
یہ بھی پڑھیں:Bomb Attack on CPIM Candidate House: سی پی آئی ایم کے امیدوار کے مکان پر بموں سے حملہ
دوسری طرف کولکاتا پولیس اور مغربی بنگال پولیس نے بند کے دوران بی جے پی کے حامیوں کو پرتشدد مظاہرے سے روکنے کے لیے پوری طرح سے تیار تھی۔
مغربی بنگال حکومت نے پہلے بی جے پی کی جانب سے بلائے گئے بند کو عوام مخالف قرار دیتے ہوئے پولیس انتظامیہ کو بند کے حامیوں سے سختی سے نمٹنے کی ہدایت دے رکھی تھی۔
