Abdul Karim Choudhary عبدالکریم چودھری کی اپنی ہی پارٹی کے کارکنان پر تنقید

مغربی بنگال کے شمالی دیناج پور کے اسلام سے باغی رکن اسمبلی عبدالکریم چودھری نے ترنمول کانگریس کے حامیوں پر اپنے رشتہ داروں کے گھروں پر حملہ کرنے کا الزام عائد کیا۔ انہوں نے کہا کہ ترنمول کانگریس کے حامیوں کی غنڈہ گردی کسی بھی قیمت پر برداشت نہیں کی جا سکتی ہے۔

اسلام پور:مغربی بنگال میں پنچایت انتخابات کے نتائج کے باوجود چند اضلاع میں تشدد کا بازار گرم ہے۔ اسی درمیان ترنمول کانگریس کے رکن اسمبلی عبدالکریم چودھری نے اپنی ہی پارٹی کے کارکنان پر ان کے رشتہ داروں کے گھروں پر حملہ کرنے کا الزام لگایا۔ ان کا کہنا ہے کہ انہوں نے پنچایت انتخابات میں آزاد امیدروں کی حمایت کی جس کی وجہ سے انہیں اور ان کے رشتہ داروں کو ہدف بنایا جا رہا ہے۔

رکن اسمبلی عبدالکریم چودھری نے الزام لگایا کہ وزیر اعلیٰ سے بار بار درخواست کرنے کے باوجود وہ کوئی کارروائی نہیں کر رہی ہیں۔ اگر یہ تشدد بند نہ ہوا تو وہ حکومت کے کام کاج میں خلل ڈالتے رہیں گے۔ کریم نے راجیہ سبھا کے انتخابات کا بائیکاٹ بھی کیا اور اسمبلی میں بل کو پاس ہونے سے روکنے کی وارننگ دی۔

دوسری جانب ترنمول کانگریس کے بلاک صدر ذاکر حسین نے دعویٰ کیا کہ جو لوگ پولنگ کے دن گھروں سے باہر تھے انہوں نے علاقے میں اس طرح کے واقعے کو انجام دیا ہے۔ پولیس ان کی تلاش کر رہی ہے۔ گرفتاری سے بچنے کے لیے ملزمین گھر سے بھاگ رہے ہیں۔ ایم ایل اے کچھ جانے بغیر پارٹی کارکنان پر علاقے میں بدامنی پھیلانے کے جھوٹے الزامات لگا رہے ہیں۔