ترنمول کانگریس کے رکن اسملبی اور بدھان نگر کارپوریشن کے سابق میئر سبیاساچی دت کل بی جے پی میں شامل ہو رہے ہیں-
کل امیت شاہ کولکاتا کے سالٹ لیک میں ایک درگا پوجا پنڈال کا افتتاح کرنے آ رہے ہیں-
اس سے قبل امت شاہ نیتا جی انڈور اسٹیڈیم میں ایک تقریب میں شرکت کریں گے، اسی تقریب میں سبیاساچی دت بی جے پی میں شمولیت اختیار کریں گے-
اس سلسلے میں سبیاساچی دت نے میڈیا کو بتایا کہ 'وہ کل نیتا جی انڈور اسٹیڈیم میں منعقد ہونے والی تقریب میں بی جے پی میں شمولیت اختیار کریں گے-
اس تقریب میں امیت شاہ بھی موجود رہیں گے-'
کولکاتا پریس کلب میں نامہ نگاروں سے خطاب کرتے ہوئے بی جے پی کے ریاستی صدر دلیپ گھوش نے بھی یہ اعلان کیا کہ آئند کل سبیاساچی دت بی نیتا جی انڈور اسٹیڈیم میں بی جے پی کے تقریب کے دوران بی جے پی میں شامل ہوں گے-
واضح رہے کہ سبیاساچی دت کے متعلق بی جے پی میں شامل ہونے کی پہلے سے ہی قیاس آرائی کی جا رہی تھی اور پارٹی نے ان کو پہلے ہی معطل کیا ہوا ہے اور ان کو بدھان نگر کارپوریشن کے مئیر کے عہدے سے بھی ہٹا دیا گیا تھا ترنمول کانگریس سے ان اختلافات اس وقت شروع جب انہوں نے بی جے پی لیڈر مکل رائے سے ملاقات کی تھی-
