مکل رائے نے کہاکہ کٹ منی کو لے کر ترنمول کانگریس کی سربراہ ممتا بنرجی اور ان کی پارٹی کے اعلیٰ رہنماؤں کی مشکلوں میں اضافہ ہو گیا ہے۔ ریاست کے تمام اضلاع میں کٹ منی واپس کرنے کامطالے میں شدت پکڑتاجا رہا ہے۔
'کٹ منی کی رقم واپس کرنی پڑے گی' انہوں نے کہاکہ کٹ منی کیس سے بی جے پی کا کوئی تعلق نہیں ہے ۔ ترنمول کانگریس کے اراکین اسمبلی ، رہنماؤں نے غریب عوام سے کٹ منی لی ہے تو کسی بھی قیمت پر انہیں واپس کرنی پڑے گی۔
مکل رائے کے مطابق میں یہ نہیں کہہ رہا ہوں یہ تو عام لوگوں کی مانگ ہے ۔ ہر چوراہے پر ترنمول کانگریس کے اراکین اسمبلی کے خلاف پوسٹر لگے ہوئے ہیں۔
بی جے پی کے رہنما کے مطابق ترنمول کانگریس کی سربراہ نے اپنے رہنماؤں کے کٹ منی لینے کا اعتراف کیا تھا۔ اب ان کے لیے اخلاقی طور پر کٹ منی کی تمام رقم واپس کرنا لازمی ہے۔
واضح رہے کہ وزیر اعلیٰ ممتابنر جی کے کٹ منی پر بیان آنے کے بعد پوری ریاست میں ترنمول کانگریس کے رہنماؤں کے خلاف ناراضگی میں اضا فہ ہوا ہے۔
