قتل کا کیس حل، تین گرفتار

ریاست مغربی بنگال کے مدنی پور میں ترنمول کانگریس کے ایک رہنما کے قتل کے الزام میں تین افراد کو گرفتار کیا گیا ہے۔

پانسکورہ پنچایت سمیتی ترنمو ل کانگریس کے نائب صدر قربان علی کو بلاک آفس کے باہر کچھ نامعلوم افراد نے گولی مارکر ہلاک کردیا تھا۔

اس حادثے کے بعد پورے علاقے میں خوف و ہراس کا ماحول ہے۔

پولیس نے کارروائی کرتے ہوئے تین افراد کو گرفتار کیا ہے۔ ترنمول کانگریس کے سینیئر رہنما اور ریاستی وزیر شوبھند و ادھیکاری نے کہا کہ 'قربان علی کے قتل کے پیچھے مقامی بی جے پی رہنما کے اہل خانہ کا ہاتھ ہے۔'

قربان علی اس علاقے کے معروف رہنما تھے۔

انہوں نے یہ الزام لگایا ہے کہ اس واقعے کے ذریعہ بی جے پی مقامی لوگوں کو دھمکانے کی کوشش کی کی ہے۔

تاہم بی جے پی اس الزام کی تردید کرتے ہوئے کہا ہے کہ سیاسی بنیادوں پر الزاما ت عاید کیے جارہے ہیں۔