کولکاتا:مغربی بنگال کی حکمراں جماعت ترنمول کانگریس کے ممبران نے کہا کہ مرکز کا رویہ ناانصافی اور تعصب پر مشتمل ہے۔بنگال کے حقوق نہیں ادا کئے جارہے ہیں ۔بنگال کی معاشی ناکہ بندی کی گئی ہے۔ احتجاجی پروگرام دو گھنٹے تک جاری رہے گا۔
مرکزی وزیر داخلہ امت شاہ بدھ کو کولکاتا آ رہے ہیں۔ وہ دھرمتلہ میں بنگال بی جے پی کی ریلی میں شرکت کریں گی۔ شاہ کی ریلی سے ایک دن پہلے ترنمول کانگریس نے مرکزی حکومت کے خلاف احتجاج درج کرانے کیلئے اسمبلی کااستعمال کیا ہے ۔منگل کواسمبلی میں اپوزیشن لیڈر شبھندو ادھیکاری کو معطل کر دیا گیا۔ ان پر اسپیکر کی توہین کا الزام لگایا گیا ہے۔ سبھندو ادھیکاری پورے سرمائی اجلاس کیلئے معطل کردیا گیا ہے۔ اس صورتحال میں مانا جا رہا ہے کہ ترنمول کا احتجاج بی جے پی کو دباؤ میں رکھنے کے لیے ہے۔