Panchayat Election ترنمول کانگریس کے زخمی کارکن کی ہسپتال میں موت

مرشدآباد ضلع کے رانی نگر میں ترنمول کانگریس کے زخمی رہنما سیزار الشیخ کی آج ہسپتال میں موت ہوگئی۔اس طرح مغربی بنگال میں پنچایت انتخابات کے دوران تشدد کے واقعے میں ہلاک ہونے والوں کی تعداد17 ہوگئی ہے۔

مرشدآباد:مغربی بنگال میں پنچایت انتخابات کے لیے دوبارہ پولنگ پیر کی صبح 7 بجے 22 اضلاع کے 697 بوتھوں پر سخت سیکورٹی کے درمیان شروع ہوئی۔

ریاستی الیکشن کمیشن نے کل 697 بوتھوں پر دوبارہ پولنگ کا حکم دیتے ہوئے اتوار کو ایک نوٹیفکیشن جاری کیا تھا۔ ان پولنگ اسٹیشنوں پر ہفتے کے روز ووٹنگ ہوئی تھی۔مرشد آباد میں سب سے زیادہ 175 بوتھ، مالدہ میں 110 اور نادیہ میں 89 بوتھس پر دوبارہ پولنگ ہو رہی ہے۔

ذرائع کے مطابق مرشد آباد میں ترنمول کانگریس کے کارکن سیزار الشیخ کی اگلے ماہ شادی ہونے والی تھی۔ لیکن اس سے پہلے انہیں سیاسی تشدد کا نشانہ بننا پڑا۔ سیزار الشیخ کے والدین نے اپنے بیٹے کو کھونے کے بعد پولیس پر برہمی کا اظہار کیا۔ کہا کہ اگر سیکیورٹی انتظامات پختہ ہوتی تو میرے بیٹے کی جان نہیں جاتی۔

خیال رہے کہ ترنمول کارکن سیزار الشیخ الیکشن کے دن ووٹ ڈالنے کے بعد گھر لوٹ رہے تھے اسی وقت نامعلوم افراد نے ان پر جان لیوا حملہ کردیا۔انہیں تشدیشناک حالت میں ضلع ہسپتال میں داخل کرایا گیاجہاں آج ان کی موت ہو گئی ۔

ترنمول کانگریس نے سیزار الشیخ کی موت کے لئے کانگریس ، سی پی آئی ایم اور بی جے پی کو قصوروار ٹھہرایا ہے ۔بی جے پی ،سی پی آئی ایم اور کانگریس نے ٹی ایم سی کے الزام کی تردید کی ہے ۔