Abhishek Banerjee ضمنی انتخاب میں ترنمول کانگریس کی جیت میں ابھیشیک بنرجی کا اہم رول

ریاست کے راج بن شی کی آبادی مشتمل دھوپ گوری ضمنی انتخاب میں ترنمول کانگریس کی جیت کے بعد بی جے پی کیلئے سوالیہ نشان بن گیا ہے۔بی جے پی اس حلقے کو اپنے گڑھ کے طور پر شمار کرتی تھی مگر یہاں ضمنی انتخاب میں ترنمول کانگریس نے 4000ہزار ووٹوں کے فرق سے یہ سیٹ بی جے پی سے چھین لی ہے۔

جلپائی گوڑی:مغربی بنگال کے جلپائی گوڑی کے دھوپ گوڑی ضمنی انتخابات میں فاتح پروفیسر نرمل نے کہا کہ ترنمول کانگریس نے یہاں سے جیت حاصل کی ہے اس کی کئی وجوہات ہیں ۔جن میں ابھیشیک بنرجی کا اس حلقے کی ترقی کےلئے کیا گیا وعدہ ہے۔ابھیشیک بنرجی کی وجہ سے شہری علاقوں میں ترنمو ل کانگریس کے ووٹ کی شرح میں اضافہ کیا ہے۔

انہوں نے کہاکہ اس کی وجہ سے ہماری جیت یقینی ہوئی ہے ۔ریاستی حکومت کے ترقیاتی کام،لکشمنی بھنڈار اور فلاحی اسکیموں کی وجہ سے عوام پر مثبت ڈالا ہے۔گزشتہ انتخابات میں ترنمول کانگریس گروپ بندی کی شکار تپی اور اس کا فائدہ بی جے پی کو ملا مگر اس مرتبہ ہم نے متحد ہوکر انتخاب لڑا اور ہمیں کامیابی ملی ۔ترنمول کانگریس نے یہاں پر بڑے پیمانے مہم چلائی۔ابھیشیک بنرجی کی قیادت میں بڑی بڑی ریلی کی گئی ۔مقامی لیڈروں نے بوتھ سطح پر مہم چلائی اور گھرگھر جاکر لوگوں سے ووٹ مانگے ۔

منتخب رکن اسمبلی نے کہاکہ گزشتہ اسمبلی انتخابات میں ہم شہری علاقوں میں 4000 ووٹوں سے پیچھے تھے۔ اس بار، یہ ایک ہزار سے بھی کم ووٹوں پر آ گیا ہے۔

تاہم ترنمول قیادت کا کہنا ہے کہ جن جگہوں پر ترنمول ہار گئی ان کے نتائج کا جلد ہی تجزیہ کیا جائے گا۔ بنارہٹ-1، شلباری-2، گدھیارکوٹھی، ماگوماری-1، داڈونگ- ان تمام علاقوں میں ترنمول بی جے پی سے پیچھے ہے۔ 2019 کے لوک سبھا انتخابات اور 2021 کے اسمبلی انتخابات میں دھوپاگوری اسمبلی حلقہ کے چھ چائے کے باغی حلقوں پر ترنمول نے قبضہ کر لیا تھا۔ اس بار ترنمول تین چائے باغ والے علاقوں میں آگے ہے۔ سیاسی حلقوں میں بہت سے لوگوں کے مطابق ترنمول کانگریس ضمنی انتخابات کے دوران چائے کے باغ کے علاقے میں بی جے پی کے غلبے کو توڑنے میں کامیاب رہی۔