پارلیمانی اسپیکر کو مدھیہ پردیش سیاسی بحران معاملے میں نوٹس

ترنمول کا نگریس کی جانب سے پارلیمانی اسپیکر اوم برلاکو مدھیہ دپردیش میں جاری سیاسی بحران کے معاملے میں نوٹس سونپا گیا۔

مغربی بنگال کی حکمراں جماعت ترنمول کا نگریس کے رکن پارلیمان سوگتا رائے نے اپنے ساتھی ارکان پارلیمان کے ساتھ وقفہ صفر کے دوران پارلیمانی اسپیکر اوم برلا کو مدھیہ پردیش میں جاری سیاسی بحران کے معاملے میں نوٹس سونپا

ترنمول کا نگریس کے رکن پارلیمان سوگتا رائے کاکہنا ہے کہ مدھیہ پردیش عوام کے ذریعہ منتخب کانگریس کی حکومت کو گرانے کی سازش کو جمہوریت میں کسی بھی اعتبار پر قابل قبول نہیں ہے۔

انہوں نے کہاکہ مدھیہ پردیش میں کانگریس کی حکومت عوامی منتخب حکومت ہے۔ اس کے خلاف سازش جائز نہیں ہے۔کمل ناتھ کی قیادت والی حکومت کونقصان پہنچانے کی کوشش کی جارہی ہے۔

ترنمول کانگریس کے رکن پارلیمان نے کہاکہ اس طرح کی حرکت سے لوگوں کا سیاسی جماعت پرسے بھروسہ اٹھ جائے گا۔ لوگوں کا یقین ختم ہوجائے گا تو سیاسی بحران پیدا ہو سکتا ہے ۔اس کی ذمہ داری کون ہوگا۔

انہوں نے کہاکہ ترنمول کانگریس کے ارکان پارلیمان پارلیمانی اسپیکر اوم بر لا سے گزارش کرتے ہیں مدھیہ پر دیش میں جاری سیاسی بحران کو ختم کیا جا ئے اور وہاں عوام کی منتخب حکومت کو اپنی مدت پوری کرنی دی جائے گی۔

پارلیمانی اسپیکر اوم برلا نے ترنمول کانگریس کے نوٹس پرکچھ بھی واضح طور پر نہیں کیا۔ اس کے ساتھ ہی اسپیکر نے ترنمول کانگریس کی جانب سے لائے گئے نوٹس کو خارج کردیا ۔

واضح رہے کہ مدھیہ پردیش میں کمل ناتھ کی قیادت والی کانگریس کی حکومت کے جیترایتہ سندھیا سمیت دیگر ارکان اسمبلی کے پارٹی سے الگ ہونے کے سبب ریاستی حکومت بحران میں مبتلا ہے۔

بی جے پی باغی ارکان اسمبلی کو اپنے ساتھ ملا کر مدھیہ پر دیش میں حکومت سازی کادعویٰ کرچکی ہے۔