رکن پارلیمان نصرت جہاں ہسپتال میں داخل

شمالی 24 پرگنہ کے بشیر ہاٹ سے ترنمول کانگریس کی رکن پارلیمان اور اداکارہ نصرت جہاں روحی کو کولکاتا کے ایک نجی ہسپتال میں داخل کرایا گیا۔

ترنمول کانگریس کی رکن پارلیمان نصرت جہاں روحی کو یاش داس گپتا کے ساتھ کولکاتا کے ایک نجی ہسپتال میں دیکھا گیا جس کے بعد یہ قیاس آرائی کی جارہی ہے کہ نصرت جہاں کو ہسپتال میں شریک کیا گیا۔

ذرائع کے مطابق حاملہ نصرت جہاں روحی آئندہ روز جمعرات کو اپنے پہلے بچے کو جنم دیں گی جبکہ اس بات کی ابھی تک کسی سرکاری ذرائع نے تصدیق نہیں کی ہے۔

واضح رہے کہ نصرت جہاں روحی کی نکھیل جین سے شادی اور بعد میں علیحدگی سے ایک تنازعہ کھڑا ہوگیا تھا۔ رکن پارلیمان نے نکھیل جین کے ساتھ شادی کو ایک سمجھوتہ قرار دیا تھا وہیں نکھیل جین نے ازدواجی رشتہ ختم ہونے پر نصرت جہاں کی عوامی طور پر تنقید کی تھی۔