ندیا: مغربی بنگال کی حکمراں جماعت ترنمول کانگریس کی رکن پارلیمان مہوا موئترا نے مرکزی وزیر داخلہ پر طنز کرتے ہوئے کہا کہ امت شاہ نہیں جانتے کہ ملک کا قومی ترانہ اور قومی گیت کس نے لکھا۔ اس کے ساتھ ہی انہوں نے امیت شاہ کو مشورہ دیا کہ برائے مہربانی بولنے سے پہلے تفصیلی جانکاری حاصل کریں۔
اتفاق سے مرکزی وزیر داخلہ امت شاہ مغربی بنگال کے دو روزہ دورے پر آئے ہیں۔ وہ پیر کی رات کو کولکاتا پہنچے۔ رابندر جینتی کے موقعے پر منگل کی صبح جوڑاسنکو کے ٹھاکر باڑی میں انہوں نے رابندر ناتھ ٹیگور کو خراج عقیدت پیش کیا۔ تقریب کے بعد وہ شمالی 24 پرگنہ کے بنگاؤں گئے۔ وہیں لینڈ پورٹ اتھارٹی اور بی ایس ایف کے اشتراک سے منعقدہ تقریب میں شرکت کی۔
رکن پارلیمان مہوا میترا نے ٹویٹر پر اس تقریب کی ایک ویڈیو پوسٹ کی۔ ویڈیو میں مرکزی وزیر داخلہ امت شاہ کو یہ کہتے ہوئے سنا جا سکتا ہے کہ رابندر ناتھ ٹیگور دنیا کے واحد شخص ہیں جنہوں نے ملک کے دو ملکوں کے قومی ترانے لکھے۔ اس ویڈیو کو پوسٹ کرتے ہوئے مہوا نے لکھا کہ بھارت کا قومی ترانہ اور قومی گیت الگ الگ ہے۔ بھارات کا قومی گانا وندے ماترم ہے جسے بنکم چندر چٹرجی نے لکھا۔ رابندر ناتھ ٹیگور نے قومی ترانہ لکھا۔ اس کے ساتھ ساتھ بنگلہ دیش کا آمر سونار بنگلہ رابندر ناتھ ٹیگور نے لکھا تھا۔
یہ بھی پڑھیں:Legal Notice To Mamataعوام فیصلہ کرے گی کہ انہیں فلم دیکھنا ہے یا نہیں، وویک اگنی ہوتری
رکن پارلیمان مہوا موئترا نے کہا کہ وہ کسی پر تنقید نہیں کر رہیں ہیں بلکہ ان کی جانکاری میں اضافہ کرنے کی کوشش کر رہی ہیں تاکہ مستقبل اس طرح کی غلطی نہ ہو۔
