'بیان بازی سے فائدہ کم نقصان زیادہ ہوتا ہے'

ترنمول کانگریس کے رکن پارلیمان ایڈووکیٹ کلیان بنرجی نے گورنر جگدیپ دھنکر پر تنقید کرتے ہوئے انہیں بی جے پی کا ترجمان قرار دیا۔

مغربی بنگال کے گورنر جگدیپ دھنکر اور ترنمول کانگریس کی قیادت والی ریاستی حکومت کے درمیان لفظی جنگ جاری ہے۔

دونوں اعلی رہنماؤں کی حانب سے ایک دوسرے پر الزام تراشی کا سلسلہ جاری ہے حالانکہ گورنر جگدیپ دھنکر ان دنوں دارجلنگ میں ایک مہینے کی چھٹی پر ہیں، لیکن اس کے باوجود ریاستی حکومت کو ہدف تنقید بنانے کا سلسلہ جاری رکھا ہے۔

'بیان بازی سے فائدہ کم نقصان زیادہ ہوتا ہے'

ہگلی ضلع کے شری رام پور سے رکن پارلیمان ایڈووکٹ کلیان بنرجی کا کہنا ہے کہ 'گورنر جگدیپ دھنکر سب سے زیادہ سیاست کرتے ہیں۔ گورنر ان دنوں چھٹی پر ہیں، اس کے باوجود بیان بازی کر رہے ہیں۔ دارجلنگ میں بیٹھ کر کولکاتا کے بارے میں سوچ رہے ہیں۔'

ترنمول کانگریس کے رہنما کا کہنا ہے کہ 'گورنر خود کو آئینی سربراہ کہتے ہیں، وہ واقعی ریاست کی ترقی کے بارے میں سوچتے ہیں تو مشورہ کیوں نہیں دیتے ہیں۔'

انہوں نے کہا کہ 'بیان بازی کرنے سے کسی کو کوئی فائدہ ملنے والا نہیں ہے۔ کام کرنے سے ریاست کی ترقی ہو گی۔'

کلیان بنرجی کا کہنا ہے کہ 'میں کسی کو تنقید نہیں کرتا ہوں۔ ہر انسان کو اظہار آزادی کا اختیار ہے لیکن طریقے الگ الگ ہوتے ہیں۔'

ترنمول کانگریس کے رہنما کے مطابق 'تنقید برائے تعمیر ہو تو عوام کو نقصان کم فائدہ زیادہ ہوتا ہے۔'