The Kerala Story Controvesy ترنمول کانگریس کے رہنماؤں کی شوبھا پرسنا پر تنقید

مرشدآباد ضلع کے بھگوان گولہ سے ترنمول کانگریس کے رکن اسمبلی ادریس علی نے ادیب شوبھا پرسنا پر تنقید کرتے ہوئے کہاکہ انہیں وزیراعلیٰ ممتابنرجی کی مخالفت نہیں کرنی چاہیے۔ وہ ایک ایسی فلم کی حمایت میں وزیراعلیٰ مخالفت کر رہے ہیں جسے لوگ دیکھنا پسند نہیں کرتے۔ وہ ترنمول کانگریس کی مہربانی ہے۔ اس کے باوجود ایک متنازع فلم دی کیرالہ اسٹوری پر عائد پابندی کی مخالفت کر رہے ہیں۔

مرشدآباد:مغربی بنگال کے ضلع مرشدآباد کے بھگوان گولہ سے ترنمول کانگریس کے رکن اسمبلی ادریس علی نے سماجی کارکن اور ادیب شبھا پرسنا پر دی کیرالہ اسٹوری کی حمایت کرنے پر جم کر تنقید کی۔ رکن اسمبلی ادریس علی نے کہاکہ انہوں نے دعویٰ کیا کہ ممتا بنرجی کو اس مقام تک لانے میں شوبھاپرسنا کا کوئی کردار نہیں تھا بلکہ ترنمول کانگریس کی وجہ سے انہیں ایک الگ پہچان ملی۔لیکن آج وہ ممتابنرجی کی مخالفت کرنے لگے ہیں ۔

شمالی 24 پرگنہ کے کمرہٹی سے رکن اسمبلی مدن مترا نے کہا کہ متنازع فلم دی کیرالہ اسٹوری کی حمایت کرنے کی ایک وجہ ہونی چاہئے جو شوبھا پرسنا کے پاس نہیں ہے۔لوگوں کو یہ بات بھی سمجھ نہیں آ رہی ہے کہ آخر کیوں وہ اس متنازع فلم کو لے کر وزیراعلیٰ ممتابنرجی کو ہدف تنقید بنا رہے ہیں۔ صحافیوں کے سوالوں کے جواب میں انہوں نے کہا کہ میں شوبھاپراسنا کی عزت کرتا ہوں کیونکہ وہ مجھ سے بڑے ہیں۔ ہوں ۔بڑی شخصیت ہیں لیکن حالیہ دنوں میں ان کے بیان اور تبصروں پر اعتراض ہیں۔آج ممتابنرجی بین الاقوامی رہنما بن چکی ہیں۔انہیں اب کسی کی ضرورت نہیں ہے۔شوبھا پرسنا کو بنگال کے تمام لوگوں کو اس بات کا علم ہے۔

ان کا کہنا ہے کہ وزیراعلیٰ ممتابنرجی نے دی کیرالہ اسٹوری پر پابندی عائد کرکے صحیح کام کیا ہے ۔اس فلم سے سماج میں منفی پیغام جا سکتا تھا۔لوگوں کو یہ بات سمجھ میں آ گئی ہے لیکن انہیں نہیں۔واضح رہے کہ شوبھا پرسنا گزشتہ چند دنوں سے دی کیرالہ اسٹوری پر پابندی کے خلاف ریاستی حکومت پر تنقید کر رہے ہیں۔