TMC MLA Controversial Statement ٹی ایم سی رکن اسمبلی کی مودی اور امت شاہ پر تنقید

ترنمول کانگریس کی رکن اسمبلی نے وزیراعظم مودی اور وزیر داخلہ امت شاہ پر سخت تنقید کی جس کے بعد مغربی بنگال کی سیاست میں ہنگامہ برپا ہوگیا۔ Controversial Statement Of Maldah TMC MLA

مالدہ:مغربی بنگال کے مالدہ ضلع کے مانک چک سے ترنمول کانگریس کی رکن اسمبلی سابتری مترا نے وزیراعظم مودی وزیر داخلہ امت شاہ کو ویلن کہا جس کے بعد مغربی بنگال کی سیاست میں ہنگامہ برپا ہوگیا ہے۔Controversial Statement Of TMC MLA مالدہ ضلع میں پنچایت انتخابات کے لئے تشہیری مہم کے دوران ترنمول کانگریس کی رکن اسمبلی سابتری مترا نے بی جے پی کی قیادت والی مرکزی حکومت پر جم کر تنقید کی۔ اسی درمیان ترنمول کانگریس کی رکن اسمبلی سابتری مترا نے وزیراعظم نریندر مودی کو ہدف تنقید بناتے ہوئے کہاکہ انہیں مبینہ طور پر دریودھن قرار دیا ہے۔ اس کے ساتھ ساتھ وزیرداخلہ امت شاہ کو بھی انہوں نے ہدف تنقید بنایا۔

انہوں نے کہا کہ لوگوں کو تاریخ کا مطالعہ کرنا چاہئے اس سے انہیں پتہ چل جائے گا کہ ملک میں کس طرح کی حکومت چل رہی ہے۔ ملک میں ترقی نہیں ہوئی ہے۔ مرکزی حکومت نے چند لوگوں کے لئے ترقی کی راہ ہموار کی ہے۔ اگر وزیراعلیٰ ممتا بنرجی کو سروپ نکھا قرار دیتے ہیں تو میں وزیراعظم نریندر مودی کو دریودھن اور امت شاہ کو دوساسن کیوں نہیں کہہ سکتی ہوں۔

ترنمول کانگریس کی رکن اسمبلی نے کہاکہ انہوں نے جو کچھ بھی کہا ہے بالکل صحیح کہا ہے ۔وہ اپنے بیان سے پیچھے نہیں ہٹ سکتیں۔ بی جے پی کے رہنماؤں کو ممتابنرجی کے خلاف متنازع بیان بازی کرنے کا حق کس نے دے رکھا ہے۔

مالدہ ضلع ترنمول کانگریس کے صدر عبدالرحیم بخش نے کہاکہ ان کی پارٹی کی رکن اسمبلی نے ایسا کچھ بھی نہیں کہا جس پر تنازع کھڑا کیا جائے۔ تنقید کرنے والے آج سے چند روز قبل کہاں تھے جب بی جے پی کے رہنما نے ہماری رہنما اور وزیراعلیٰ ممتابنرجی کو سروپ نکھا کہا تھا۔ دوسری طرف بی جے پی کے ارکان اسمبلی نے مغربی بنگال اسمبلی کے باہر ترنمول کانگریس کی رہنما کے متنازع بیان کے خلاف احتجاج کیاControversial Statement Of Maldah TMC MLA Sabitri Mitra Called PM Modi And Amit Shah Duryodhan And Dushasan