مغربی بنگال میں رکن اسمبلی کی کورونا سے موت

ہلاک شدہ تمونش گھوش فالتا سے تین بار رکن اسمبلی رہ چکے ہیں۔ وہ 1998 سے ٹی ایم سی کے خزانچی بھی تھے۔

مغربی بنگال میں برسراقتدار ترنمول کانگریس کے رکن اسمبلی تمونش گھوش کا بدھ کے روز کورونا وائرس کے سبب انتقال ہوگیا۔

ترنمول کے ایم ایل کے تمونش گھوش کا انتقال، ممتا کا اظہار افسوس

وزیر اعلی ممتا بنرجی نے تمونش کے انتقال پر رنج کا اظہار کرتے ہوئے ٹوئٹ کیا 'بہت دکھ کی بات ہے۔ تمونش گھوش فالتا سے تین بار رکن اسمبلی رہے تھے۔ وہ 1998 سے ٹی ایم سی کے خزانچی بھی تھے۔

انہوں نے آج ہمارا ساتھ چھوڑ دیا ہے۔ وہ گزشتہ 35 برسوں سے ہم لوگوں کے ساتھ وابستہ تھے۔ وہ پارٹی اور لوگوں کے لئے پوری طرح وقف تھے۔ انہوں نے سماجی کاموں میں بھی کافی تعاون دیا۔'