TMC Group Clashes in North 24 PGS: شب قدر کے موقع پر ترنمول کے دو گروپ متصادم

شمالی 24 پرگنہ کے مسلم اکثریتی علاقہ دتہ پوکھر علاقے میں شب قدر کے موقع پر پیسے کی لین دین کے معاملے پر ترنمول کانگریس کے دو گروپوں میں جھڑپ ہو گئی، جس میں متعدد افراد زخمی ہوگئے۔ پولیس کو حالات پر قابو پانے کے لیے لاٹھی چارج کرنا پڑا۔ Clashes During Shab E Qadar Night

کولکاتا:مغربی بنگال کے شمالی 24 پرگنہ کے مسلم اکثریتی علاقہ دتہ پوکھر علاقے میں شب قدر کے موقع پر پیسے کے لین دین کو لے کر ترنمول کانگریس کے دو گروپوں میں جھڑپ ہو گئی، جس میں متعدد افراد زخمی ہوگئے۔ پولیس کو حالات پر قابو پانے کے لئے لاٹھی چارج کرنا پڑا۔ علاقے میں پولیس اہلکاروں اور آر اے ایف کے جوانوں کو تعینات کیا گیا ہے۔ ذرائع کے مطابق فوضیل علی نام کے ایک تاجر اور ترنمول کانگریس پنچایت رکن ارشد داؤد الزمان کے درمیان لین دین کو لے کر حجت و تکرار ہو گئی۔TMC Group Clashes In North 24 PGS

ترنمول کانگریس پنچایت رکن ارشد داؤد الزمان پر الزام ہے کہ انہوں نے اپنے ساتھیوں کو بلا کر فوضیل علی کی پٹائی کروائی۔ اس واقعے کے سبب علاقے میں افراتفری کا ماحول پیدا ہو گیا۔
عبادت کی رات کم اور افراتفری کا ماحول زیادہ تھا، دونوں جانب سے جم کر مار پیٹ ہوئی، جس میں کئی لوگ زخمی ہو گئے۔ پولیس نے جائے وقوع پر پہنچ کر حالات کو قابو میں کرنے کے لئے لاٹھی چارج کیا۔ لاٹھی چارج میں دو لوگ زخمی ہوئے۔ اس معاملے میں متعدد افراد کو حراست میں لیا گیا ہے۔TMC Group Clashes In North 24 PGS

اس معاملے پر ترنمول کانگریس پنچایت سمیتی صدر ارشد داؤد الزمان نے کہا کہ پیسے کے لین دین کے نام پر انہیں بدنام کرنے کی کوشش کی گئی ہے، ترنمول کانگریس کے حامیوں کا اس معاملے سے کوئی لینا دینا نہیں ہے۔ وہیں دوسری طرف مسجد کمیٹی کے صدر محفوظ الرحمن نے کہا کہ مقدس رات میں اس طرح کے واقعے کے رونما ہونے سے معاشرے میں منفی پیغام جائے گا۔ ترنمول کانگریس پنچایت سمیتی ارشد داؤد الزمان اور فوضیل علی کے درمیان لین دین کو لے کر ہی جھگڑا ہوا۔ مسجد کمیٹی کا اس معاملے سے کوئی لینا دینا نہیں ہے۔TMC Group Clashes In North 24 PGS