شمشیرگنج: ترنمول کانگریس کے امیرالاسلام کی 26 ہزار ووٹوں سے جیت

مرشدآباد ضلع کے شمشیرگنج اسمبلی حلقے سے ترنمول کانگریس کے امیدوار امیرالاسلام نے کانگریس کے زاہد الرحمٰن کو دلچسپ مقابلے میں 26 ہزار ووٹوں سے شکست دے دی۔

مغربی بنگال کے تین اسمبلی حلقوں میں ہوئے ضمنی انتخابات میں حکمراں جماعت ترنمول کانگریس نے اپوزیشن جماعتوں کو کلین سوئپ کردیا ہے۔

شمشیرگنج سے ترنمول کانگریس کے امیدوار امیرالاسلام نے کانگریس کے امیدوار زاہد الرحمٰن کو 26 ہزار 113 ووٹوں سے شکست دے دی۔ شمشیر گنج اسمبلی حلقے میں ترنمول کانگریس کو کانگریس کے خلاف سخت آزمائش سے دو چار ہونا پڑا لیکن آخری راؤنڈ میں ترنمول کے امیرالاسلام نے بازی مار لی۔

مرشدآباد کے جنگی پور سے ترنمول کانگریس کے امیدوار ذاکر حسین نے اپنے حریف کو تقریباً ساڑھے 92 ہزار ووٹوں سے شکست دے کر جیت درج کی۔

واضح رہے کہ ترنمول کانگریس کی سربراہ ممتا بنرجی نے ہائی پروفائل بھوانی پور ضمنی انتخاب میں 58 ہزار سے زائد ووٹوں سے جیت حاصل کرکے وزیراعلیٰ کا عہدہ برقرار رکھا۔