بی جے پی اور ترنمول کانگریس کے حامیوں کے درمیان جھڑپ

جنوبی 24 پرگنہ کے سونار پور راج پور میونسپلٹی کے وارڈ نمبر سات میں ترنمول کانگریس کے سابق کاونسلر پر حملے کے بعد علاقے میں کشیدگی پھیل گئی۔

ریاست مغربی بنگال کے جنوبی 24 پرگنہ کے سونار پور راج پور میونسپلٹی کے وارڈ نمبر سات میں چند نامعلوم افراد نے ترنمول کانگریس کے سابق رہنما اجیت منڈل پر حملہ کر دیا۔

حامیوں کے درمیان جھڑپ

شرپسندوں نے کاونسلر اور ان کے رشتہ داروں کی زبردست پٹائی کر کے فرار ہو گئے، اس واقعہ کے بعد علاقے میں کشیدگی پھیل گئی۔

کاونسلر اور ان کے رشتہ داروں پر حملے کی خبر منظر عام پر ترنمول کانگریس کے سینکڑوں حامی سڑکوں پر نکل آئے۔

ترنمول کانگریس کے حامیوں نے احتجاج کرتے ہوئے بی جے پی کے کارکنان کو ہدف بنایا، اس دوران دونوں جانب سے جم کر جھڑپ ہوئی جس میں متعدد افراد زخمی ہوگئے۔

پولیس اور آر اے ایف کے جوانوں نے جائے وقوعہ پر پہنچ کر حالات کو قابو میں کیا، زخمیوں کو مقامی اسپتال میں داخل کرایا گیا۔

پولیس نے ابتدائی تفتیش کے بعد بی جے پی کے چند حامیوں کو گرفتار کر لیا۔ پولیس کا کہنا ہے کہ جن لوگوں کی گرفتاری عمل میں آئی ہے، وہ تمام جھڑپ میں ملوث تھے۔

پولیس نے مزید کہا کہ پورے معاملے کی تفتیش کی جا رہی ہے، اس معاملے میں مزید لوگوں کی گرفتاری عمل میں آسکتی ہے۔

ترنمول کانگریس کے رہنما شفیق منڈل نے کہا کہ سابق کاونسلر اجیت منڈل اور ان کے رشتہ داروں پر حملہ کرنے کے بعد علاقے میں کشیدگی پھیل گئی۔

انہوں نے کہا کہ بی جے پی کے رہنماؤں کا مقصد ہی علاقے کے پر امن ماحول کو کسی بھی طرح بگاڑانا ہے، اسی مقصد کے یہ سب کیا جا رہا ہے۔

دوسری طرف بی جے پی کے رہنما کا کہنا ہے کہ ترنمول کانگریس کے کے حامیوں نے ہمارے لوگوں پر حملہ کیا اور ان کی بے رحمی سے پٹائی کی ہے، ترنمول کانگریس کے تمام الزامات بے بنیاد ہیں۔