ترنمول اوربی جے پی کے کارکنان کے درمیان تصادم

شمالی24پرگنہ کے گھولہ تھانہ علاقے میں ترنمول کانگریس اور بھارتیہ جنتاپارٹی کے حامیوں کے درمیان تصادم میں ایک شخص کو گولی لگی جبکہ متعدد افراد زخمی ہو گیے۔

مغربی بنگال میں بھارتیہ جنتاپارٹی کے حامیوں کواس وقت مذمت کا سامان کرناپڑاجب طاقت کی بد ولت علاقے پرقبضہ کرنے کے دوران مقامی باشندوں نے احتجاج کیا۔

ذرائع کے مطابق گھولہ تھانہ کے تحت پوربوپلی علاقے میں واقع ایک مکان میں بی جے پی کے رہنما کشیوررائے میٹنگ کے بعد اپنے حامیوں کے ساتھ باہر آئے اور نعرہ بازی کرنے لگے ۔

مقامی باشندوں نے اس کی مخالفت کی تو بی جے پی کے حامیوں نے ہنگامہ برپا کردیا۔ اس دوران بی جے پی اور ترنمول کانگریس کے حامیوں کے درمیان جھڑپ ہوئی۔

ذرائع کے مطابق جھڑپ کے دوران فائرنگ بھی ہوئی جس میں ایک شخص کوگولی لگی جبکہ متعدد افراد زخمی ہو گیے ۔

پولیس کاکہناہے کہ تصادم کے بعد حالات کو قابو میں کرلیا گیا ہے۔جھڑپ میں ملوث متعدد افراد کو حراست میں لیا گیا ہے۔

پولیس کاکہنا ہے کہ زخمیوں کومقامی ہسپتال میں داخل کرایا گیا ہے۔ ایک شخص کے پاوں میں گولی لگی ہے۔تمام افراد خطرے سے باہر ہیں۔

پولیس کے مطابق حالات پر قابو پانے کے لیے لاٹھی چارج بھی کیا گیا ہے۔علاقے میں آر اے ایف اور پولیس اہلکاروں کو تعینات کیا گیا ہے۔

ترنمول کانگریس کے رہنماکے مطابق بی جے پی کے کارکنان علاقے پرقبضہ کرنے کی کوشش کی ۔ مقامی باشندوں نے جب اس کی مخالفت کی توانہوں نے لاٹھیوں سے حملہ کردیا۔

بی جے پی کے رہنماکیشورکر کاکہناہے کہ ترنمول کانگریس اور پولیس اہلکاروں نے بی جے پی کے کارکنان پر حملہ کیا۔ ان پر لاٹھی چارج کیاگیا ہے۔ترنمول کانگریس کے تمام الزامات بے بنیادہے۔

بی جے پی کے رہنمانے پولیس اہلکاروں کے خلاف احتجاج کرتے ہوئے سڑک کی ناکہ بندی کردی۔