منشیات اسمگلنگ کے الزام میں بنگلہ دیشی گرفتار

کولکاتا پولیس کی اسپیشل ٹاسک فورس نے خفیہ اطلاع کی بنیاد پر نریندر پور میں خصوصی تلاشی مہم کے دوران منشیات اسگلنگ کے الزام میں تین افراد کوگرفتار کرلیا۔ گرفتارافراد میں دو بنگلہ دیشی شہری بھی شامل ہے۔

مغربی بنگال کے کولکاتا کے قریب نریندر پور میں کولکاتا پولیس کی اسپیشل ٹاسک فورس نے خفیہ اطلاع کی بنیاد پرخصوصی تلاشی مہم کے دوران wb06G391 نمبر کی ٹیکسی کوروک کر تلاشی لی۔

تلاشی مہم کے دوران اسپیشل ٹاسک فورس نے ٹیکسی سے منشیات کے50 پاکٹ سمیت تین افراد کوگرفتار کرلیا۔

اسپیشل ٹاسک فورس نےپریس کانفرنس کے دوران نامہ نگاروں کو خطاب کرتے ہوئے کہاکہ خصوصی چھاپہ ماری مہم کے دوران لاکھوں روپے کے منشیات سمیت تین افراد کو گرفتار کیا گیا ہے۔

انہوں نے کہاکہ گرفتار افراد کے پاس 50 پاکٹ منشیات بر آمد کی گئی ہے۔بازار میں اس کی قیمت تقریبالاکھوں روپے ہے۔اس کے علاوہ ڈالر بھی برآمدکیے گیے ہیں۔

ایس ٹی ایف کے مطابق گرفتار افراد کی شناخت مہیر علی،سراج الحشیخ اور اندرجیت داس کے طور پر ہوئی ہے۔اندرجیت داس ڈرائیور ہے۔

ایس ٹی ایف کاکہنا ہے کہ تفتیش کے دوران پتہ چلا ہے کہ منشیات فروش بنگلہ دیش اور ممانمار منشیات کولکاتا لانے کی کوشش کر رہے تھے ۔