مغربی بنگال کے دارالحکومت کولکاتا کے جنوبی شہری بہالہ تھانہ علاقے سے ایس ٹی ایف نے جماعت المجاہدین سے مبینہ تعلقات رکھنے کے الزام میں تین بنگلہ دیشی شہری کو گرفتار کیا ہے۔
کولکاتا پولیس کی اسپیشل ٹاسک فورس نے خفیہ اطلاع کی بنیاد پر بہالہ تھانہ علاقے میں خصوصی تلاشی مہم کے دوران تین بنگلہ دیشی شہریوں کو گرفتار کر لیا۔ کولکاتا پولیس کی ایس ٹی ایف نے بتایا کہ گرفتار بنگلہ دیشی شہریوں کی شناخت نجیب الرحمن، روبیل الاسلام اور شبیر نور نبی کے طور پر ہوئی ہے۔
ایس ٹی ایف نے بتایا کہ گرفتار بنگلہ دیشی شہریوں کے بیانات میں تضاد ہے۔ ایک کچھ کہتا ہے تو دوسرا کچھ اور تیسرا کچھ اور۔
ایس ٹی ایف کے مطابق ابتدائی تفتیش کے دوران پتہ چلا ہے کہ تینوں نے جنوبی کولکاتا کے بہالہ تھانہ علاقے میں کرائے پر گھر لیا تھا۔ مکان مالک کو بتایا تھا کہ ان کا کوئی رشتہ دار کولکاتا کے کسی ہسپتال میں زیر اعلاج ہے۔
مزید پڑھیں:اترپردیش: اے ٹی ایس نے 2 مشتبہ عسکریت پسندوں کو گرفتار کیا
مریض کی عیادت کے لئے وہ تینوں کرائے پر مکان لے کر بہالہ میں رہتے تھے۔ ایس ٹی ایف کو ان تینوں بنگلہ دیشی شہریوں کے بیان پر بھروسہ نہیں ہے۔ ایس ٹی ایف گرفتار بنگلہ دیشی شہریوں سے پوچھ گچھ کے دوران یہ پتہ لگانے کی کوشش کر رہے ہی ہے کہ کہیں ان تینوں کا کھاگڑھ دھماکہ یا پھر مرشدآباد، بیربھوم دھماکے سے کوئی تعلق تو نہیں ہے۔
