نفرت کی باتیں کرنے کا یہ وقت نہیں ہے: ڈیریک او برائن

ترنمول کانگریس کے ترجمان اور رکن پارلیمان ڈیریک او برائن نے کہا کہ بی جے پی کے قومی صدر جے پی نڈا کو معلوم ہونا چاہیے کہ ملک میں کون پھوٹ ڈال رہا ہے اور کون سیاست کر رہا ہے۔

ریاست مغربی بنگال کی حکمراں جماعت ترنمول کانگریس کے سینئر رہنما ڈیریک او برائن نے کہا کہ بی جے پی کے قومی صدر جے پی نڈا کو تہوار کے موقع پر نفرت کی سیاست کی بات کرنے سے گریز کرنا چاہیے۔

انہوں نے کہا کہ میں جے پی نڈا سے گزارش کرتا ہوں کہ درگا پوجا کے دوران کولکاتا میں رہیں اور قومی یکجہتی کیا چیز ہے، اس کا سبق لے کر جائیں۔

نفرت کی باتیں کرنے کا یہ وقت نہیں ہے: ڈیریک او برائن

ڈیریک او برائن کا کہنا ہے کہ بنگال میں تہواروں کا موسم ہے۔ بنگال کے تمام مذاہب کے لوگ ایک دوسرے کے ساتھ خوشیاں مناتے ہیں۔ موجودہ دور میں اس طرح کی مثال صرف اور صرف بنگال میں ہی دکھنے کو ملتی ہے۔ بی جے پی جیسی پارٹی کو کیا معلوم ہے۔

انہوں نے کہا کہ بی جے پی کے قومی صدر جے پی نڈا کو تہواروں کے موسم میں پھوٹ ڈالو اور حکومت کرو کی باتیں نہیں کرنی چاہیے تھی۔

ترنمول کانگریس کے ترجمان اور رکن پارلیمان ڈیریک او برائن

وہ اس موقع پر شہریت ترمیمی قانون کی بات کرتے ہیں۔ اس سے متعلق باتیں کرنے کا یہ مناسب وقت نہیں ہے۔

انہوں نے کہا کہ انہیں اچھی طرح معلوم ہونا چاہئے کہ گذشتہ چھ برسوں میں مذہب اور نفرت کی سیاست کون کر رہا ہے۔

بتا دیں کہ بی جے پی کے قومی صدر جے پی نڈا شمالی بنگال کے دو روزہ دورے پر ہیں۔