Ward 78 Forward Bloc Candidate: آل انڈیا فارورڈ بلاک کی امیدوار جیوتی داس کا حلقے کے مسائل حل کرنے کا وعدہ

آل انڈیا فارورڈ بلاک کی امیدوار جیوتی داس All India Forward Bloc candidate Jyoti Das نے کہا کہ وارڈ 78 میں بارش کا پانی جمع ہونا، کوڑے کرکٹ اور گندگی کا انباراور بے روزگاری سمیت کئی مسائل ہیں جو گذشتہ دس برسوں سے حل نہیں کیے گئے۔

مغربی بنگال میں 19 دسمبر کو ہونے والے کولکاتا میونسپل کارپوریشن انتخابات Kolkata Municipal Corporation Election کے مدنظر تمام وارڈز میں سیاسی سرگرمیاں زور وشور سے جاری ہے۔ وارڈز کی گلی گلی میں سیاسی جماعتوں کے جھنڈے لہرائے جارہے ہیں۔ عام لوگوں میں کولکاتا کارپوریشن انتخابات Kolkata Municipal Election کو لے کر زبردست دلچسپی پائی جا رہی ہے۔

کولکاتا میونسپل کارپوریشن کے وارڈ نمبر 78 میں ووٹرز کی کل تعداد تقریباً 45 ہزار ہے جس میں Muslim Population مسلمانوں کی آبادی 68 فیصد سے زائد ہے۔ اس کے باوجود اس وارڈ کو شیڈول کاسٹ میں تبدیل کر دیا گیا ہے جس کی وجہ سے مقامی باشندوں میں تھوڑی بہت ناراضگی بھی پائی جا رہی ہے۔ اس وارڈ میں حکمراں جماعت ترنمول کانگریس کی امیدوار سوما داس اور فارورڈ بلاک کی امیدوار جیوتی داس (زینب) کے درمیان دلچسپ مقابلہ متوقع ہے۔

اس ضمن میں جیوتی داس (زینب) نے ای ٹی وی بھارت سے خصوصی گفتگو کرتے ہوئے کہا کہ وہ لوگوں کی پریشانیوں کو دور کرنے کے لئے انتخابی میدان میں اتری ہیں۔ لوگ ووٹ تو دیتے ہیں لیکن ان کے مسائل حل نہیں کئے جاتے ہیں۔ فارورڈ بلاک کی امیدوار نے کہا کہ انتخابی مہم کے دوران انہیں لوگوں سے مثبت اشارے مل رہے ہیں۔

لوگوں کا ایک ہی سوال ہے کہ ان کے مسائل آخر کیوں حل کئے نہیں جاتے ہیں۔ انہوں نے کہا کہ اس وارڈ میں بارش کے پانی کا جمع ہونا، کوڑے کرکٹ کے انبار، گندگی اور بے روزگاری سمیت کئی مسائل ہیں جو گزشتہ دس برسوں سے حل نہیں کیے گئے۔

انہوں نے کہا کہ کولکاتا میونسپل کارپوریشن میں ہزاروں نوکریاں ہیں۔ اس کے تحت ہر وارڈ کے کاونسلر کے پاس کم سے کم دو سو بے روزگار لوگوں کو نوکریاں دینے کے موقع ہوتا ہے لیکن ملازمت رشتہ داروں اور قریبی لوگوں کو ملتی ہے۔

فارورڈ بلاک کی امیدوار نے کہا کہ اگر 78 نمبر وارڈ کے لوگ انہیں عوام کی خدمت کرنے کا موقع دیتے ہیں تو وہ سب سے پہلے تعلیم کے فروغ کے لیے کام کریں گی اور اس کے بعد واٹر لوگگنگ کے مسئلے کو حل کرنے کی کوشش کریں گی۔