کولکاتا:مغربی بنگال کے دارالحکومت کولکاتا سے چند کیلو میٹر کی دوری پر بدھان نگر میں واقع سالٹ لیک اسٹیڈیم کے اسپورٹس کمپلیکس میں سیاہ سفید جرسی والی ٹیم محمڈن اسپورٹنگ نے مشق کی۔ تاجکستان کی قومی فٹبال ٹیم کے سابق کپتان نورالدین داورنوو کولکاتا پہنچنے کے بعد پہلی مرتبہ مشق کا حصہ بنے. ٹریننگ سیشن کے دوران نورالدین نے جم کر پسینہ بہایا۔ تاجکستان کے فٹبالر نورالدین داورنوو نے کہا کہ وہ سب سے پہلے محمڈن اسپورٹنگ کے شیدائیوں کو سلام کہتے ہیں. انہیں پتہ ہے کہ محمڈن اسپورٹنگ نہ صرف بھارت بلکہ پورے ایشیا میں مقبول ترین کلبوں میں سے ایک ہے۔ Footballer Nuriddin Davronov Join Mohammedan Sporting Training
نورالدین داورنوو نے محمڈن اسپورٹنگ کے ٹریننگ سیشن میں حصہ لیا انہوں نے کہا کہ پریکٹس کے دوران سہولیات کو دیکھ کر خوشی ہوئی. اس کے لئے وہ کلب انتظامیہ کا شکر گزار ہیں. سوا سو سال قدم کلب کی جرسی زیب تن کرنے کی اہمیت ہی کچھ اور ہوتی ہے. ان کا کہنا ہے کہ انہیں موقع ملے گا تو وہ اپنی صلاحیتوں کا لوہا منوانے کی ہر ممکن کوشش کریں گے. ٹیم کی جیت کا بننے کی کوشش کریں گے. کلب کی گزشتہ سیزن کی کارکردگی کے بارے میں کافی کچھ سن رکھا ہے. ہم سابقہ کارکردگی کو دہرانے کی کوشش کریں گے. انشاءاللہ محمڈن اسپورٹنگ کلب بہت جلد آئی ایس ایل کھیلے گا۔ نورالدین داورنوو نے محمڈن اسپورٹنگ کے ٹریننگ سیشن میں حصہ لیا نورالدین داورنوو نے محمڈن اسپورٹنگ کی ٹریننگ سیشن میں حصہ لیا یہ بھی پڑھیں:
نورالدین داورنوو تاجکستان کی قومی فٹبال ٹیم کے اسٹار فٹبالرز میں سے ایک ہیں. پچاس سے زائد میچوں میں انہوں نے تاجکستان قومی فٹبال ٹیم کی نمائندگی کی ہے. انہوں نے تاجکستان قومی فٹبال ٹیم کی قیادت بھی کی ہے. 2017 اے ایف سی کپ کے فائنل میں بھی تاجکستان کی ٹیم کی نمائندگی کر چکے ہیں. اس کے علاوہ نورالدین داورنوو سربیا، بلغاریہ، انڈونیشیا اور تاجکستان کے ٹاپ فٹبال لیگز میں کھیل چکے اور چار مرتبہ بہترین کھلاڑی بننے کا اعزاز بھی حاصل کر چکے ہیں۔
