کولکاتا:مغربی بنگال سیکریٹریٹ نے اتوار کو 2023 کے آخری دن ایک نوٹیفکیشن جاری کرتے ہوئے نئے ہوم سکریٹری اور چیف سکریٹری کے ناموں کا اعلان کیا۔ دوسری طرف چیف سکریٹری ہری کرشنا دویدی ریٹائر ہو گئے اور انہیں وزیر اعلیٰ ممتا بنرجی اقتصادی مشیر کا عہدہ دیا گیا ہے۔ ان کی جگہ بی پی گوپالک کو ہوم سکریٹری سے چیف سکریٹری کے عہدے پر ترقی دی گئی ہے۔ لیکن روایات کے برخلاف ریاستی انتظامیہ کو حیرت میں ڈالتے ہوئے سیاحت کی سکریٹری نندنی کو ہوم سکریٹری بنا یا گیا ہے۔ سرکاری اعلان کے بعد نئے ہوم سکریٹری نے پیر سے نبنو میں اپنے دفتر میں کام کرنا شروع کر دیا ہے۔اب اپوزیشن لیڈر شبھندو ادھیکاری نے ایک دن بعد اس تقرری کو غیر قانونی قرار دیدیا ہے۔
عام طور پر، جب حکومت کسی فیصلے کا اعلان کرتی ہے، اپوزیشن لیڈر فوری طور پر ہینڈل پر اپنا احتجاج پوسٹ کرتے ہیں۔لیکن اس معاملے میں انہوں نے اپنے موقف کے اظہار میں تھوڑی تاخیر کی ہے۔ نندی گرام سے ممبرا سمبلی نے اتوار کو ہوم سکریٹری کی تقرری کے 48 گھنٹے بعد اپنے ایکس ہینڈل پر ایک پوسٹ کیا۔ ان کے قریبی ذرائع کے مطابق نندنی کو ہوم سکریٹری مقرر کرنے کے بعد اپوزیشن لیڈر نے کئی قانونی دستاویزات کی جانچ کی ہے۔