Suvendu Adhikari Slam Mamata Banerjee شبھندو ادھیکاری کی وزیراعلیٰ ممتابنرجی پر تنقید

حزب اختلاف کے رہنما شبھندو ادھیکاری نے ممتابنرجی اور ٹیم ایم سی کا نام لئے بغیر کہاکہ قومی پارٹی کا درجہ کھونے کے بعد وزیرداخلہ امت شاہ کو فون کال کیا تھا۔میرے پاس اس کا ثبوت ہے اور وقت آنے پر فون نمبر کو عام کر دیں گے۔

کولکاتا: مغربی بنگال میں پنچایت انتخابات کی تاریخوں کا اعلان ابھی نہیں ہوا ہے لیکن سیاسی سرگرمیاں عروج پر پہنچ چکی ہے۔حکمراں جماعت ترنمول کانگریس اور بی جے پی کے درمیان زبردست بیان بازی کا سلسلہ جاری ہے۔ اسی درمیان حزب اختلاف کے رہنما شبھندو ادھیکاری نے ممتابنرجی کا نام لئے بغیر کہاکہ نے قومی پارٹی کا درجہ کھونے کے بعد وزیرداخلہ امت شاہ کو فون کال کیا تھا۔میرے پاس اس کا ثبوت ہے اور وقت آنے پر فون نمبر کو عام کر دیں گے۔

حزب اختلاف کے رہنما شبھندو ادھیکاری نے دھماکہ خیز دعویٰ کیا ہے کہ کال لینڈ لائن سے دہلی گئی تھی۔میرے پاس اس کا ثابت ہے۔کل جمعرات کو ہی لینڈ لائن فون کے نمبر کو عام کروں گا۔اس وقت کوئی یہ نا کہے کہ فون نمبر کو عام کرنے سے پہلے بات چیت کرنی چاہئے تھی۔ انہوں نے کہاکہ صحیح وقت پر صحیح کام کرنا ہے۔وہ وقت آنے پر سب کچھ سامنے لے آئیں گے۔ممتابنرجی کا نام لئے بغیر انہوں نے کہاکہ اس وقت آپ اس کی وضاحت کر سکتی ہیں۔

غورطلب ہے کہ وزیر اعلیٰ ممتا بنرجی نے شوبھندو ادھیکاری کا نام لئے بغیر کہا تھا کہ میں نے وزیر داخلہ کو فون کیا ہے اور اگر کوئی اس بات کو ثابت کر دیتا ہے تو وہ وزیراعلیٰ کے عہدے سے مستعفیٰ ہو جائیں گی۔ خیال رہے کہ سنگور میں ایک جلسے میں خطاب کرتے ہوئے شوبھندو ادھیکاری نے کہا کہ ترنمول کانگریس سے قومی ٹیم کا درجہ چھیننے کے بعد ممتا بنرجی نے چار مرتبہ امیت شاہ کو فون کیا تھا۔