شھبندو ادھیکاری بی جے پی کی پہلی میٹنگ میں کل شرکت کریں گے

شھبندو ادھیکاری کولکاتا کے ہسٹنگ میں واقع پارٹی ہیڈ کوارٹر میں ہونے والی بی جے پی کی پہلی تنظیمی میٹنگ میں کل شرکت کریں گے۔

ترنمول کانگریس چھوڑ کر بی جے پی میں شامل ہونے والے شھبندو ادھیکاری کل پہلی مرتبہ بی جے پی کی پہلی تنظیمی میٹنگ میں شرکت کرنے کے لئے کولکاتا آئیں گے۔ اس کی تصدیق آج بی بی جے پی نے کی ہے۔

اس میٹنگ میں بی جے پی کے ریاستی صدر دلیپ گھوش، بی جے پی کے قومی نائب صدر مکل رائے، انتخابی مشیر کیلاش وجے ورگھیہ سمیت دیگر اعلیٰ رہنما بھی شرکت کریں گے۔

ذرائع کے مطابق ہسٹنگ میں واقع بی جے پی کے ریاستی ہیڈ کوارٹر میں ہونے والی اس میٹنگ میں اسمبلی انتخابات کی تیاریوں کا جائزہ لینا اور تنظیم کو مضبوط بنانے پر تبادلہ خیال کیا جائے گا۔

اس کے علاوہ میٹنگ میں 294 اسمبلی حلقوں میں بی جے پی کے امیدواروں کے ناموں پر تبادلہ خیال کرنے کی خبریں بھی سامنے آ رہی ہیں۔

واضح رہے کہ گزشتہ بیس دسمبر کو وزیر داخلہ امت شاہ کی موجودگی میں ترنمول کانگریس کے باغی رہنما شھبندو ادھیکاری نے بی جے پی میں شامل ہونے کا اعلان کیا تھا۔