Justice Ganopadhyay Media Interaction جسٹس ابھیجیت گنگوپادھیائے کے ٹی وی انٹرویو پر سپریم کورٹ نے ہائی کورٹ سے حلف نامہ طلب کیا

سپریم کورٹ نے آج ترنمول کانگریس کے جنرل سیکریٹری ابھیشیک بنرجی کی ایک عرضی پر سماعت کے دوران کلکتہ ہائی کورٹ کے جج جسٹس ابھیجیت گنگو پادھیائے کے ذریعہ ایک پرائیوٹ نیوز چینل کو دیے گئے انٹرویو سے متعلق ہائی کورٹ سے حلف نامہ طلب کیا ہے۔

کولکاتا: مغربی بنگال کے دارالحکومت کولکاتا میں واقع کلکتہ ہائی کورٹ کے جسٹس ابھیجیت گنگو پادھیائے کے وکیل ابھیشیک مانو سنگھوی کے ایک سوال کے جواب میں سپریم کورٹ اگلے جمعہ تک کلکتہ ہائی کورٹ کے رجسٹرار جنرل سے حلف نامہ طلب کیا ہے۔ اگلی سماعت اسی دن ہوگی۔ ستمبر 2022 میں جسٹس گنگوپادھیائے نے پہلی بار ایک ٹی وی چینل کو طویل انٹرویو دیا تھا۔ اس میں انہوں نے اسکول سروس کمیشن کے ذریعہ اساتذہ کی تقرری میں گھوٹالہ سمیت کئی اہم ایشوز پر بات چیت کی تھی۔ ابھیشیک کے وکیل نے منگل کو سپریم کورٹ میں اس انٹرویو کا مسئلہ اٹھایا جس کے بعد سپریم کورٹ کے چیف جسٹس نے تبصرہ کیا کہ ہمیں دیکھنا ہوگا کہ اس انٹرویو میں کیا ہے۔

غور طلب ہے کہ سپریم کورٹ نے تقرری بدعنوانی کے معاملے میں مبینہ طور پر ملوث ترنمول کانگریس یوتھ کے سابق لیڈر کنتل گھوش کے خط کے معاملے میں ہائی کورٹ کے حکم پر روک لگا دی ہے۔ ہائی کورٹ کے جسٹس گنگوپادھیائے کی ہدایت میں کہا گیا ہے کہ اگر ضروری ہو تو سی بی آئی کنتل گھوش کے خط کے بارے میں ابھیشیک بنرجی سے پوچھ گچھ کر سکتے ہیں۔ ابھیشیک نے اس حکم کو چیلنج کرتے ہوئے سپریم کورٹ سے رجوع کیا ہے۔ سپریم کورٹ نے اس حکم پر عبوری حکم امتناع جاری کیا تھا۔ واضح رہے کہ ستمبر 2022 میں کلکتہ ہائی کورٹ کے جسٹس گنگوپادھیائے نے پہلی بار ایک ٹی وی چینل کو طویل انٹرویو دیا تھا۔اس انٹرویو میں انہوں نے کئی اہم موضوع پر تبادلہ خیال کیا تھا۔